حضرت امام موسیٰ کاظمؑ (نواں معجزہ) — عربی متن مع اردو ترجمہ | سادات
Skip to content

حضرت امام موسیٰ کاظمؑ (نواں معجزہ)

16 مُعْجِزے

حضرت امام موسیٰ کاظمؑ (نواں معجزہ)

حضرت امام موسیٰ کاظم علیہ السلام کی حیاتِ طیبہ میں تو مرادیں پوری ہوتی ہی تھیں۔ شہادت کے بعد بھی یہ سلسلہ جاری و ساری ہے۔ آپؑ کا روضۂ مبارک کاظمین شریف میں ہے جو بغداد سے باہر ہے۔

ایک بوڑھا اور نابینا سید نہایت غربت اور مفلسی کی حالت میں روضے کے اندر گیا اور جیسے ہی اُس نے ضریح اِقدس کو اپنے ہاتھ سے مَس کیا (چھَُوا) اس کی آنکھوں میں روشنی آگئی، وہ بے حد خوش ہوا اور خوشی میں وہ باہر کی طرف دوڑا، یہ کہتا ہوا۔ مجھے بینائی مل گئی، مجھے بینائی مل گئی۔ میں اچھی طرح دیکھنے لگا۔ (صلوات)۔

اس پر لوگوں کا ہجوم ہوگیا۔ لوگوں نے اس کے کپڑے تبرک کے طور پر نوچ ڈالے۔ اسے تین بار نئے کپڑے پہنائے گئے اور باہر کپڑے دھجیوں میں بٹ گئے۔ آخر خدام نے اُسے اس خیال سے کہ اس کے جسم کو نقصان نہ پہنچ جائے، بہ حفاظت اُسکو گھر پہنچا دیا۔ اس بوڑھے سیّد کا کہنا ہے کہ میں بغداد کے ہسپتال میں کافی عرصہ آنکھوں کے علاج کے سلسلہ میں رہا۔ چنانچہ ڈاکٹروں نے تھک ہار کے کہہ دیا کہ یہ لاعلاج ہے۔ میں ہسپتال سے مایوس ہو کر نکلا اور روضۂِ اقدس (حضرت امام موسیٰ کاظم علیہ السلام) پر آیا۔ اور یہاں آپؑ کے وسیلہ سے خدائے تعالیٰ کی بارگاہ میں دعا کی ’’بارِ الٰہا! تجھے اس امامِ مدفونؑ کا واسطہ، مجھے اَز سرِ نو بینائی عطا کردے۔ یہ کہہ کر جیسے ہی میں نے ضریح مبارک کو ہاتھ لگایا، میری آنکھوں میں یکایک روشنی آگئی اور آواز آئی: جا! تجھے پھر سے روشنی بخشی گئی۔

کاؤنٹر، آڈیو اور آف لائن مطالعہ ایپ میں دستیاب ہے۔

سادات کو ساتھ رکھیں

مکمل تجربہ — آف لائن مطالعہ، آڈیو، یاد دہانیاں اور بک مارکس — ایپ میں ہے۔

Get it on Google Playجلد آ رہی ہےDownload on the App Store