معجزہ حضرت عباسؑ علمدارؑ (تیرہواں معجزہ)
ایک شہر میں دستور تھا کہ وہ محرم کے دنوں میں شبیہیں بناکر عزاداری کیا کرتے تھے۔ ایک سال انہوں نے ایک نوجوان کو حضرت عباسؑ کی شبیہہ بنایا، جو ناصبی شخص کا بیٹا تھا۔ اُس نے اپنے بیٹے کو غصہ میں آ کر کہا کہ
’’میں تجھے حضرت عباسؑ کا فدائی تب جانوں کہ تو مجھے اپنے بازو کاٹ لینے دے‘‘۔
بیٹا راضی ہوگیا، اور باپ نے غیظ و غضب سے مغلوب ہوکر اُس کے دونوں بازو کاٹ دئیے۔ اس کی زوجہ کو خبر ہوئی تو اُس نے خاوند کو بہت لعن طعن کی، شوہر نے غصہ میں آکر بیوی کی زبان کاٹ دی اور بیٹے کے کٹے ہوئے بازو اس کی گود میں ڈال کر ماں بیٹے دونوں کو گھر سے نکال دیا۔
ماں اور بیٹا دونوں ایک امام باڑہ میں گئے۔ جہاں تعزیہ رکھّا ہوا تھا دونوں مِنّبر کے آگے سرجھکا کر رو رو کے دعائیں مانگنے لگے، اسی اثناء دیکھا کہ چند بی بیاں اسی امام باڑے میں داخل ہوئیں، جن کے لباس سے عظمت اور جلال ٹپکتا تھا۔ اَن میں سے ایک بی بیؑ نے اس عورت کی کٹی زبان پر اپنا لُعابِ دہن (تھوک) لگا دیا۔ اس کی زبان درست ہوگئی۔ پھر حضرت عباسؑ کی دعا سے اس کے بیٹے کے کٹے ہوئے بازو صحیح ہوگئے۔ پھر اس جوان نے حضرت عباسؑ کے ہاتھ پر بوسہ دینا چاہا تو حضرتؑ نے فرمایا کہ میرے دونوں بازو قطع شدہ ہیں اور یہ قیامت تک اسی طرح رہیں گے۔ جب تک میں دوارِ محشر کے حضور میں پیش ہوکر مومنوں کو بہشت میں لے جاؤں۔