معجزہ حضرت عباسؑ علمدارؑ (چودہواں معجزہ) — عربی متن مع اردو ترجمہ | سادات
Skip to content

معجزہ حضرت عباسؑ علمدارؑ (چودہواں معجزہ)

16 مُعْجِزے

معجزہ حضرت عباسؑ علمدارؑ (چودہواں معجزہ)

علامہ آغا شیخ محمد باقر برجندیؒ قائنی کبریت احمر میں تحریر فرماتے ہیں، میں نے اپنے بعض اساتذہ سے سُنا ہے کہ کربلا میں ایک جوان صالح لڑکا تھا، وہ بیمار ہوا اُسکا باپ اُسے حضرت ابوالفضل العّباسؑ کے روضۂِ اقدس میں رات کو لے گیا اور ضریحٔ مبارک سے باندھ دیا۔ اور خدائے تعالیٰ سے حضرت عباسؑ کے توسل سے لڑکے کی صحت کے لئے دعا کی۔

صبح کو موصوف کا ایک دوست آیا، اور بولا۔ رات کو مَیں نے ایک عجیب خواب دیکھا ہے۔ وہ میں تم کو سُنانا چاہتا ہوں۔ میں نے دیکھا کہ آقائے نامدار حضرت عباسؑ علمدار، بارگاہِ الٰہی میں تمہارے فرزند کی صحت کے لئے دعا کررہے ہیں۔ اِسی اثناء ایک فرشتہ رسولؐ اللہ کی طرف سے حضرت ابوالفضلؑ کی خدمت میں حاضر ہوا اور بولا! اے عباس بن علیؑ بن ابی طالبؑ آپ آِس بیمار کیلئے سفارش نہ کریں، اِس کے دِن پورے ہوگئے ہیں۔ اور اِس کی عُمر پوری ہو چکی ہے، نوشتہ کی مدّت ختم ہوچکی ہے۔ حضرت عباسؑ نے فرشتہ کو جواب دیا۔ تم حضورؐ کی خدمت میں میرا سلام عرض کرنا اور کہنا کہ اِس کے باوجود میں سرکارِ ختمی مرتبت کے وسیلہ سے خداوندِعالم سے اِس نوجوان(بیمار) کے شفاء کی درخواست کروںگا۔ دوبارہ رسولِ کریمؐ کی خدمت میں وہ فرشتہ پہنچا اور پیغام حضرت ابوالفضل العّباسؑ بیان کیا۔ پیغمبرِخداؐ نے فرشتہ سے فرمایا تم پھر عباسؑ کے پاس جائو اور وہی بات جو مَیں نے پہلے کہی تھی اُن سے کہہ دو۔ چنانچہ فرشتہ نے حضرت عباسؑ سے دوبارہ کہا۔ حضرت عباسؑ نے بھی وہی بات کہہ کر پھر واپس فرشتہ کو کیا۔ بہرحال اِسی طرح جب فرشتہ تیسری بار پھر حاضر ہوا اَور محبوبِؐ داور کا پیام سُنایا تو حضرت عباسؑ علمدار کا رنگ متغیر ہوگیا۔ پھر خود خدمتِ رحمتہ للّعالمینؐ میں حاضر ہوئے، بعدِ درود وسلام عرض کیا، یا رسول اللہؐ!

وَلَيْسَ إِنَّ اللّٰهَ قَدْ سَمَّانِي بِبَابِ الْحَوَائِجِ وَالنَّاسُ يَعْلَمُونَ ذٰلِكَ،،،

کیا یہ بات نہیں ہے کہ اللہ تعالیٰ نے میرا نام ’’باب الحوائج‘‘ رکھّا ہے۔ اور لوگوں کو بھی یہ بات معلوم ہے۔ اس لئے میرے پاس آتے ہیں۔ اور مجھ کو وسیلہ بارگاہِ ایزدی میں قرار دیتے ہیں۔ اگر درخواست کی نامنظوری ہی مقصود ہے تو پہلے میرا ’’خطاب‘‘ واپس لے لیجئے۔ پھر مجھے کوئی عُذر نہ ہوگا۔ یہ سُن کر جنابِ رسالتمآبؐ مُسکرائے اور پھر فرمایا، عباسؑ! جائو، اللہ تمہاری آنکھیں ٹھنڈی رکھے۔ تم بِلاشُبہ’’باب الحوائج‘‘ ہو تم جس کے لئے چاہو سفارش کرو۔

چنانچہ اس نوجوان بیمار کو بواسطہ حضرت عباسؑ، اللہ تعالیٰ نے مکمل کامل عطا فرمائی۔ پھر میری آنکھ کھل گئی۔ اور میں تم کو یہ خواب سُنانے آیا ہوں۔ اس کے بعد جو اُس شخص نے اپنے بیٹے کو دیکھا تو شِفا یاب پایا۔

کاؤنٹر، آڈیو اور آف لائن مطالعہ ایپ میں دستیاب ہے۔

سادات کو ساتھ رکھیں

مکمل تجربہ — آف لائن مطالعہ، آڈیو، یاد دہانیاں اور بک مارکس — ایپ میں ہے۔

Get it on Google Playجلد آ رہی ہےDownload on the App Store