Hər cür ağrıdan qurtulmaq üçün dua — ərəb mətni və tərcümə | Sadaat
Skip to content

Hər cür ağrıdan qurtulmaq üçün dua

Şəfa duaları

Hər cür ağrıdan qurtulmaq üçün dua

(Birinci dua)

Nəql olunur ki, İmam Cəfər Sadiq (ə) buyurdu: “Ağrı üçün bu duanı oxuyun:”

بِسْمِ اللہ وَبِالله کَمْ مِنْ نِعْمَةٍ لِلّٰهِ، فِی عِرْقٍ ساکِنٍ وَغَیْرِ ساکِنٍ، عَلَی عَبْدٍ شاکِرٍ وَغَیْرِ شاکِرٍ

Tərcümə: Allahın adı ilə, Allahın zatı ilə. Allahın sakit və hərəkətdə olan damarlarda nə qədər nemətləri var – şükür edən və nankor bəndələrin üzərində.

Sonra vacib namazdan sonra saqqalını tutsun və üç dəfə desin:

اَللّٰهُمَّ فَرِّجْ عَنِّی کُرْبَتِی وَعَجِّلْ عافِیَتِیْ وَاکْشِفْ ضُرِّی

Tərcümə: Ey Məbud, müsibətimi aradan qaldır, tezliklə şəfa bəxş et və qəmimi sil.

Bunda çalışsın ki, bu əməl ağlamaq və göz yaşları ilə yerinə yetirilsin.

Bundan sonra Məhəmməd (s) və Ali-Məhəmmədə (ə) salavat göndərsin və Məhəmməd (s) və Ali-Məhəmmədin (ə) düşmənlərinə lənət etsin.

(İkinci dua)

İmam Cəfər Sadiqdən (ə) nəql olunur ki, əlini ağrı olan yerə qoysun və desin:

بِسْمِ اللہ وَبِالله وَمُحَمَّدٌ رَسُولُ اللہ صَلَّی اللہ عَلَیْهِ وَآلِهِ وَلاَ حَوْلَ وَلاَ قُوَّةَ إلاَّ بِالله اَللّٰهُمَّ امْسَحْ عنِّی مَا أَجِدُ

Tərcümə: Allahın adı ilə, Allahın zatı ilə və Allahın Rəsulu (s) ilə. Allaha məxsus olandan başqa heç bir güc və qüvvət yoxdur. Ey Məbud, hiss etdiyim ağrını uzaqlaşdır.

Bundan sonra sağ əlini üç dəfə ağrı olan yerə çəksin.

Bundan sonra Məhəmməd (s) və Ali-Məhəmmədə (ə) salavat göndərsin və Məhəmməd (s) və Ali-Məhəmmədin (ə) düşmənlərinə lənət etsin.

(Üçüncü dua)

İmam Məhəmməd Baqirdən (ə) rəvayət olunur ki, Həzrət Əmirəlmöminin (ə) xəstələndi. Allahın Rəsulu Həzrət Məhəmməd (s) onun halını soruşmağa gəldi və buyurdu: “Ya Əli (ə), bu duanı oxu:”

اَللّٰهُمَّ إنِّی أَسْأَلُکَ تَعْجِیلَ عافِیَتِکَ وَصَبْراً عَلَی بَلِیَّتِکَ وَخُرُوجاً إلَی رَحْمَتِکَ

Tərcümə: Ey Məbud, Səndən Sənin tərəfindən tezliklə sağlamlıq, Sənin tərəfindən gələn müsibətə səbr və Sənin rəhmətinə tərəf getmək tövfiqi diləyirəm.

Bundan sonra Məhəmməd (s) və Ali-Məhəmmədə (ə) salavat göndərsin və Məhəmməd (s) və Ali-Məhəmmədin (ə) düşmənlərinə lənət etsin.

(Dördüncü dua)

İmam Cəfər Sadiq (ə) buyurur ki, əlini ağrı olan yerə qoyub üç dəfə bu duanı oxuyun:

اَللّٰهُمَّ إنِّی أَسْأَلُک بِحَقِّ الْقُرْآنِ الْعَظِیمِ الَّذِی نَزَلَ بِهِ الرُّوْحُ الْاََمِینُ وَهُوَ عِنْدَکَ فِی أُمِّ الْکِتابِ عَلِیٌّ حَکِیمٌ، أَنْ تَشْفِیَنِی بِشِفائِکَ وَتُدَاوِیَنِی بِدَوَائِکَ وَتُعافِیَنِی مِنْ بَلائِکَ

Tərcümə: Ey Məbud, Ruhul-Əminin onunla nazil olduğu və Sənin dərgahında Ümmül-kitabda olan, uca məqamlı və hikmətli əzəmətli Quranın haqqı vasitəsilə Səndən istəyirəm ki, mənə Öz tərəfindən şəfa verəsən, dərmanla mənə çarə edəsən və Öz bəlalarından məni qoruyub amanda saxlayasan.

Bundan sonra Məhəmməd (s) və Ali-Məhəmmədə (ə) salavat göndərsin və Məhəmməd (s) və Ali-Məhəmmədin (ə) düşmənlərinə lənət etsin.

(Beşinci dua)

Əbu Həmzədən rəvayət olunur ki, dizimdə ağrı əmələ gəldi, bunu İmam Məhəmməd Baqirə (ə) dedim. O həzrət (ə) buyurdu: “Namazı qıldıqdan sonra bu duanı oxu:”

یَا أَجْوَدَ مَنْ أَعْطَیٰ وَیَا خَیْرَ مَنْ سُئِلَ وَیَا أَرْحَمَ مَنِ اسْتُرْحِمَ اِرْحَمْ ضَعْفِی وَقِلَّةَ حِیلَتِی، وَاعْفِنِی مِنْ وَجَعِی

Tərcümə: Ey bütün verənlərdən daha səxavətli, ey istənilənlərin ən yaxşısı və ey rəhm istənilənlərin ən rəhmlisi! Mənim zəifliyimə və uğursuz tədbirlərimə rəhm et və mənə bu ağrıdan nicat ver.

Bundan sonra Məhəmməd (s) və Ali-Məhəmmədə (ə) salavat göndərsin və Məhəmməd (s) və Ali-Məhəmmədin (ə) düşmənlərinə lənət etsin.

Əbu Həmzə deyir ki, mən bu duanı oxudum və həmin ağrıdan şəfa tapdım.

Sayğac, səs və oflayn oxu tətbiqdədir.

Sadaat-ı özünüzlə aparın

Tam təcrübə — oflayn oxu, səs, xatırlatmalar və əlfəcinlər — tətbiqdədir.

Get it on Google PlayTezlikləDownload on the App Store