حاملہ ہونے کے لیے آزمودہ نماز اور دعا — عربی متن مع اردو ترجمہ | سادات
Skip to content

حاملہ ہونے کے لیے آزمودہ نماز اور دعا

شِفا کی دُعائیں

حاملہ ہونے کے لیے آزمودہ نماز اور دعا

شیخ طوسی کی مشہور کتاب: مصباح المتهجد میں محمد بن مسلم سے مروی ہے کہ انہوں نے امام باقر علیہ السلام سے روایت نقل کی ہے کہ آپ علیہ السلام نے فرمایا:

کوئی بھی شخص اولاد کی نعمت چاہتا ہے تو اسے چاہیے کہ جمعہ کے بعد دو (2) رکعت نماز ادا کرے، جس میں رکوع اور سجدے کو طول دے اور پھر کہے:

اللَّهُمَّ إِنِّي أَسْأَلُكَ بِمَا سَأَلَكَ بِهِ زَكَرِيَّا (ع) إِذْ نَادَاكَ: ﴿رَبِّ لَا تَذَرْنِي فَرْدًا وَأَنْتَ خَيْرُ الْوَارِثِينَ﴾ (1) اللَّهُمَّ فَهَبْ لِي ذُرِّيَّةً طَيِّبَةً، إِنَّكَ سَمِيعُ الدُّعَاءِ، اللَّهُمَّ بِاسْمِكَ اسْتَحْلَلْتُهَا، وَفِي أَمَانَتِكَ أَخَذْتُهَا، فَإِنْ قَضَيْتَ فِي رَحِمِهَا وَلَدًا فَاجْعَلْهُ غُلَامًا مُبَارَكًا زَكِيًّا، وَلَا تَجْعَلْ لِلشَّيْطَانِ فِيهِ نَصِيبًا وَلَا شِرْكًا. (2)

کتب اربعہ میں سے ایک عظیم کتاب: كتاب من لا يحضره الفقيہ میں امام زين العابدين (علیہ السلام) سے ایک روایت نقل ہوئی ہے، آپ علیہ السلام نے اپنے بعض اصحاب سے فرمایا:

اولاد کے حصول کے لیے یہ دعا پڑھو:

﴿رَبِّ لَا تَذَرْنِي فَرْدًا وَأَنْتَ خَيْرُ الْوَارِثِينَ﴾ (1) وَاجْعَلْ لِي مِنْ لَدُنْكَ وَلِيًّا يَبَرُّ بِي فِي حَيَاتِي، وَيَسْتَغْفِرُ لِي بَعْدَ وَفَاتِي، وَاجْعَلْهُ خَلْقًا سَوِيًّا، وَلَا تَجْعَلْ لِلشَّيْطَانِ فِيهِ شِرْكًا وَلَا نَصِيبًا، اللَّهُمَّ إِنِّي أَسْتَغْفِرُكَ وَأَتُوبُ إِلَيْكَ، إِنَّكَ أَنْتَ الْغَفُورُ الرَّحِيمُ اس دعا کو ستر (70) مرتبہ پڑھیں،

کیونکہ جو کوئی اس کی جتنی زیادہ تلاوت کرے گا، اللہ تعالیٰ اس کو اپنی تمنا کے مطابق مال و دولت، اولاد اور دنیا و آخرت کی خیر و برکت اور بھلائیاں نصیب فرمائے گا۔

کیونکہ اللہ تعالیٰ کا ارشاد ہے:

﴿فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا ۝ يُرْسِلِ السَّمَاءَ عَلَيْكُمْ مِدْرَارًا ۝ وَيُمْدِدْكُمْ بِأَمْوَالٍ وَبَنِينَ وَيَجْعَلْ لَكُمْ جَنَّاتٍ وَيَجْعَلْ لَكُمْ أَنْهَارًا﴾ (3، 4)

كتاب اصول الكافي میں امام باقر علیہ السلام سے مروی ہے کہ آپ علیہ السلام نے فرمایا:

طلبِ اولاد کے لئے ہر روز صبح و شام، ستر (70) مرتبہ سُبْحَانَ اللَّه کہو اور دس (10) مرتبہ استغفار «أَسْتَغْفِرُ ٱللَّٰهَ» یا «أَسْتَغْفِرُ ٱللَّٰهَ رَبِّي وَأَتُوبُ إِلَيْهِ» پھر نو (9) مرتبہ تسبحِ زہراؑ پڑھیں، اس کے بعد ایک مرتبہ استغفار «أَسْتَغْفِرُ ٱللَّٰهَ» یا «أَسْتَغْفِرُ ٱللَّٰهَ رَبِّي وَأَتُوبُ إِلَيْهِ» کہیں۔

(یعنی: دس (10) مرتبہ استغفار کریں، پھر نو (9) مرتبہ تسبیح پڑھیں اور دسویں مرتبہ استغفار کے ساتھ اسے مکمل کریں)

اس کے بعد اس کلامِ الٰہی کی تلاوت کریں

﴿اسْتَغْفِرُوا رَبَّكُمْ إِنَّهُ كَانَ غَفَّارًا ۝ يُرْسِلِ السَّمَاءَ عَلَيْكُمْ مِدْرَارًا ۝ وَيُمْدِدْكُمْ بِأَمْوَالٍ وَبَنِينَ ۝ وَيَجْعَلْ لَكُمْ جَنَّاتٍ وَيَجْعَلْ لَكُمْ أَنْهَارًا﴾ (5، 6)

حوالہ جات:

1۔ قرآنِ کریم، سورۂ انبیاء (21)، آیت 89، صفحہ 329۔

2۔ مصباح المتهجّد، شیخ طوسی، ص 378۔

3۔ قرآنِ کریم، سورۂ نوح (71)، آیات 10 تا 12، صفحہ 570۔

4۔ من لا يحضره الفقيه، شیخ صدوق، جلد 3، ص 474۔

5۔ الکافی، شیخ کلینی، جلد 6، ص 8۔

6۔ ماخذ: سماحۃ الشیخ محمد صنقور، حفظہ اللہ، کی ویب سائٹ۔

کاؤنٹر، آڈیو اور آف لائن مطالعہ ایپ میں دستیاب ہے۔

سادات کو ساتھ رکھیں

مکمل تجربہ — آف لائن مطالعہ، آڈیو، یاد دہانیاں اور بک مارکس — ایپ میں ہے۔

Get it on Google Playجلد آ رہی ہےDownload on the App Store