محبت، شادی اور نکاح کے لیے جنابِ عباسؑ سے توسل کا مجرب عمل
عالمِ عرفان اور تصوف کی دنیا میں کچھ ذکر ایسے ہیں جو بلند مرتبے کے مالک ہیں ان میں سے ایک ذکر
یا كاشِفَ الْكَرْبِ عَنْ وَجْهِ الْحُسَیْنِؑ اِكْشِفْ كَرْبى بِحَقِ اَخْیكَ الْحُسَیْنِ علیہ السلام ہے.
یہ ذکر سب سے زیادہ دلی سکون و اطمینان اور آرام پہنچانے والے اذکار میں سے ایک کے طور پر جانا جاتا ہے۔
ذکر یا کاشف الکرب کے معنی:
یا كاشِفَ الْكَرْبِ کے معنی: اے غم و اندوه کو دور کرنے والے۔ اس سے مراد وہ سکون ہے جو امام حسین علیہ السلام اپنے بھائی حضرت عباس علیہ السلام کے چہرے کو دیکھ کر حاصل کرتے تھے۔
یا كاشِفَ الْكَرْبِ عَنْ وَجْهِ الْحُسَیْنِؑ اِكْشِفْ كَرْبى بِحَقِ اَخْیكَ الْحُسَیْنِؑ
اے حسینؑ کے چہرۂ اقدس سے غم و اندوہ دور کرنے والے! اپنے بھائی حسینؑ کے حق کے واسطے میرے غم و اندوہ اور مشکلات کو دور فرما۔
ذکر یا کاشف الکرب برائے شادی بیاہ:
حضرت ابوالفضلؑ کے القابات میں “باب الحوائج” اور سقّا ہیں۔ شیعیانِ علی علیہ السلام کا عقیدہ ہے کہ جیسے حضرت ابوالفضلؑ پیاسوں کو سیراب کرنے والے ہیں، اسی طرح جو مومن اپنی ضرورت اور شرعی حاجات کا تشنہ (طلب گار) ہے اور آپ علیہ السلام سے متوسل ہوتا ہے تو آپؑ اس کی حاجات پوری کرتے ہیں
چاہے اسکی حاجت کسی نیک اولاد کی ہو، یا زیارت اور سفرِ حج کی، یا کسی اور حلال کام کی یا نکاح اور شادی بیاہ کے لئے ہو۔ اگر آپ علیہ السلام سے متوسل ہونا چاہیں تو پہلے دو (2) رکعت نمازِ حاجت اداء کریں، پھر اس ذکر کو 133 بار پڑھیں۔
ذکر يَا كاشِفَ الْكَرْب اور حضرت عباس علیہ السلام سے متوسل ہونا:
جنابِ بہجت (قدس سره) اس بات پر بہت زیادہ تاکید فرماتے تھے کہ اپنی حاجات پوری کرنے کے لئے اس ذکر کو ایک سو تیتیس (133) مرتبہ پڑھیں؛
ختمِ ذکر یا كاشِفَ الْكَرْبِ عَنْ وَجْهِ الْحُسَیْنِ اِكْشِفْ كَرْبى بِحَقِ اَخْیكَ الْحُسَیْنِ
اے وہ ذات جو چہره اقدس حسین علیہ السلام سے غم واندوہ کو دور کرنے والے ہیں، اپنے بھائی حسین علیہ السلام کے صدقے میری پریشانی اور مشکلات کو دور اور حاجات کو پورا فرمائیں۔
مرحوم کشمیری:
مرحوم کشمیری صاحب ذکر یا کاشف الکرب پڑھنے کی تلقین کرتے ہوئے فرماتے تھے کہ:
دو (2) رکعت نمازِ حاجت ادا کریں، پھر حضرت ابوالفضل علیہ السلام کے نام ہدیہ کریں۔ اس کے بعد تسبیحاتِ حضرت زہرا سلام اللہ علیہا پڑھیں اور اس کا ثواب بھی باب الحوائج کو ہدیہ کریں۔
ختم ذکر یا كاشِفَ الْكَرْبِ عَنْ وَجْهِ الْحُسَیْنِ اِكْشِفْ كَرْبى بِحَقِ اَخْیكَ الْحُسَیْنِ
پھر اس ذکر کو ایک سو تیتیس (133) بار دہرائیں۔
ذکر یا کاشف الکرب کتنی بار پڑھنا چاہیے؟
اس معجزاتی ذکر کو حضرت باب الحوائج سے متوسل ہونے کے لئے یہ ہدایت ہوئی ہے کہ پہلے پاکیزہ جگہ اور صاف کپڑے پہن کر ایک سو تیتیس (133) مرتبہ اس ذکر کو پڑھیں۔
یا كاشِفَ الْكَرْبِ عَنْ وَجْهِ الْحُسَیْنِ اِكْشِفْ كَرْبى بِحَقِ اَخْیكَ الْحُسَیْنِ
اور پھر اللہ کے حضور اپنی حاجت کی درخواست کریں اور کہیں کہ اگر اس حاجت کو پورا کرنا ہمارے مفاد و مصلحت میں ہے تو اسے اپنی کرامت اور وقار کے ساتھ پوری فرمائیں۔
حقیقت یہ ہے کہ ذکر یا کاشف الکرب کو ایک سو تیتیس (133) مرتبہ دہرانے کی سفارش کی گئی ہے کیونکہ حروف جُمَّل یا ابجد کے مطابق حضرت ابوالفضل العباس علیہ السلام کے اسم کی تعداد 133 کے برابر ہے۔ یاد رہے اس عدد میں ایک خاص راز ہے۔
یہاں جو نکتہ قابل غور ہے وہ یہ ہے کہ ابجد میں اسمِ مبارک ابا صالح اور عباس دونوں ناموں کے اعداد 133 ہیں۔
معجزاتِ ذکر یا کاشف الکرب اور خواص:
ذکر یا کاشف الکرب کے خواص اور معجزات میں سے ایک اور واقعہ پیش کرتے ہیں:
حجت الاسلام سید محمد تقی حشمت واعظین طباطبائی قمی نے روایت نقل کی ہے کہ قم کے رہائشی علماء میں سے ایک تھے، نقل کرتے ہیں:
میں اپنی مشکلات کے حل کے لئے مسجد جمکران میں جا کر حضرت ولی عصرؑ (عج) سے متوسل ہوا اور ان سے درخواست کی کہ میری مشکلات کے حل کے لئے بارگاہِ الٰہی میں شفاعت اور سفارش کی درخواست کیجیے۔ میں کئی بار مسجد جمکران جاتا رہا، لیکن کوئی نتیجہ نہ نکلا۔
ایک دن نماز حاجت کے بعد دعا مانگتے اور حاجتیں مانگتے ہوئے میرا دل ٹوٹ گیا اور عرض کیا:
اے میرے مولا، کیا یہ مناسب ہے کہ میں آپؑ کے گھر (مسجد) میں بیٹھ کر اپنی ضرورت اور حاجتوں کو کسی اور سے مانگوں؟!
اے آقا! آپؑ ہی میرے امامؑ اور مولا ہیں، کیا آپ (عج) کی موجودگی میں حضرت ابوالفضل العباسؑ سے اپنی حاجات کی درخواست کرنا اور انہیں بارگاہِ الٰہی میں شفاعت اور توسل کے لئے قرار دوں؟
جب شدتِ غم و اندوہ کی وجہ سے میرے جذبات میں شدت آئی تو میری حالت نیند اور بیداری کی سی تھی۔ اسی دوران اچانک حضرت حجت بن الحسن العسکریؑ کا نورانی چہرہ میرے سامنے ظاہر ہوا۔ میں نے سلام عرض کی۔
حضرت (عج) نے باوقار انداز میں میرے سوالوں کا جواب فرمایا اور ارشاد فرمایا:
حضرت ابوالفضل العباسؑ کی خدمت میں اپنی حاجات پیش کرنے کو بُرا مت سمجھو بلکہ میں تم کو بتاتا ہوں کہ ان سے متوسل ہونے اور شفاعت کے لئے کیا کہنا ہے:
جب بھی اپنی حاجات کے لئے حضرت ابوالفضل العباسؑ سے متوسل ہو، اس طرح کہو:
يَا أَبَا الْغَوْثِ أَدْرِكْنِي
(اے آقا میری فریاد کو پہنچئے)
مرحوم شیح محمد اصفہانی (کمپانی) نے اس ذکر توسل کے صحیح طریقے کو اس طرح بیان کیا ہے:
یا کاشِفَ الْکَرْبِ عَنْ وَجهِ الْحُسَینِ اِکْشِفْ کَرْبى بِحَقِّ اَخیکَ الْحُسَیْنِ علیہ السلام