سر درد کا تعویذ
ایک برتن میں پانی لے اور اس پر یہ آیت پڑھے
اَوَ لَمْ یَرَ الَّذِیْنَ كَفَرُوْۤا اَنَّ السَّمٰوٰتِ وَ الْاَرْضَ كَانَتَا رَتْقًا فَفَتَقْنٰاهُمَا ؕ وَ جَعَلْنَا مِنَ الْمَآءِ كُلَّ شَیْءٍ حَیٍّ ؕ اَفَلَا یُؤْمِنُوْنَ
(آیت 30، سورہ انبیاء، پارہ 17)
ترجمہ: کیا کافروں نے نہیں دیکھا ہے کہ زمین و آسمان باہم جڑے ہوئے تھے تو ہم نے ایک دوسرے سے الگ کیا اور ہم نے ہر چیز کو پانی سے زندہ کیا، کیا وہ اب بھی ایمان نہ لائیں گے؟
اور پھر وہ پانی پی لے۔
روایت ہوئی ہے کہ جب بھی رسول اکرمؐ کو کوئی درد یا تکلیف ہوتی تو آپؐ اپنے ہاتھ پھیلا کر سورہ فاتحہ و معوذتین (قرآن مجید کی آخری دو سورتوں سورۃ الفلق اور سورۃ الناس کو مشترکہ طور پر مُعَوِّذَتَیُن کہا جاتا ہے) پڑھتے اور پھر ہاتھوں کو اپنے چہرہ اقدس پر پھیر لیتے جس سے ساری تکلیفیں دور ہوجاتیں تھیں۔
نیز سر درد دور کرنے کیلئے انسان سر پر ہاتھ پھیرتے ہوئے کہے
اِنَّ اللّٰهَ یُمْسِكُ السَّمٰوٰتِ وَ الْاَرْضَ اَنْ تَزُوْلَا وَ لَىٕنْ زَالَتَاۤ اِنْ اَمْسَكَهُمَا مِنْ اَحَدٍ مِّنْۢ بَعْدِهٖ ؕ اِنَّهٗ كَانَ حَلِیْمًا غَفُوْرًا
(آیت 41، سورہ فاطر، پارہ 22)
ترجمہ:یقیناً اللہ آسمانوں اور زمین کو روکے ہوئے ہے کہ جگہ سے ہٹنے نہ پائیں اگر وہ ہٹ جائیں تو اس کے علاوہ کوئی انہیں روک نہیں سکتا یقیناً وہ بردبار اور بخشنے والا ہے۔
اس کے بعد محمدؐ وآلِؑ محمد صلىاللهعليہ وآلہ وسلم پر درود بھیجے اور محمدؐ و آلِؑ محمدؐ کے دشمنوں پر لعنت کیجئے۔
ربیع الأبرار سے نقل کیا گیا ہے کہ مقامِ طرطوس (شام کا ایک شہر) میں عباسی خلیفہ مامون الرشید ملعون کو سر درد شروع ہوگیا جس کا اس نے بہت علاج کیا مگر افاقہ نہ ہوا، تب قیصرِ روم نے اس کیلئے ایک ٹوپی بھجوائی اور لکھا کہ مجھے معلوم ہوا ہے کہ آپ کو سر درد کا عارضہ ہے میں یہ ٹوپی بھیج رہا ہوں اسے سر پر پہنیئے، درد جاتا رہے گا۔
مامون کو اندیشہ ہوا کہ کہیں اس ٹوپی میں زہر نہ رکھ دی گئی ہو لہٰذا حکم دیا کہ اسی لانے والے کے سر پر رکھا جائے اور جب دیکھا اسے کوئی تکلیف نہیں پہنچی تو پھر وہ ٹوپی ایک ایسے شخص کے سر پر رکھی گئی جسکے سر میں درد تھا
چنانچہ اس کا درد دور ہوگیا۔ اس کے بعد مامون نے وہ ٹوپی اپنے سر پر رکھی تو درد ٹھیک ہوگیا اس پر اسے تعجب ہوا اور اس نے وہ ٹوپی ادھیڑ کر دیکھی تو اس میں یہ لکھا ہوا پایا،
بِسْمِ اللہ الرَّحْمنِ الرَّحِیمِ کَمْ مِنْ نِعْمَةٍ لِلّٰهِ فِی عِرْقٍ ساکِنٍ حمَ عَسَق لاَ یُصَدَّعُونَ عَنْها وَلاَ یُنْزِفُونَ مِنْ کَلامِ الرَّحْمٰنِ خَمَدَتِ النِّیرَانُ وَلاَ حَوْلَ وَلاَ قُوَّةَ إلاَّ بِالله، وَجالَ نَفْعُ الدَّوَائِ فِیکَ کَما یَجُولُ مائُ الرَّبِیعِ فِی الْغُصْنِ
ترجمہ: خدا کے نام سے جو بڑا رحم والا مہربان ہے اللہ کی کتنی ہی نعمتیں رگ میں رکی ہوئی ہیں حٰم عٓسٓق اس سے انہیں نہ سر درد ہوتا ہے نہ ان کا خون بہتا ہے خدا کے کلام سے جلتی ہوئی آگ ٹھنڈی ہوجاتی ہے، نہیں کوئی حرکت و قوت مگر خدا سے اور دوا کا نفع تمہارے اندر یوں جارہی ہے جیسے موسم بہار کی بارش کا پانی شاخوں میں۔