نظرِ بد سے بچنے کا تعویذ — عربی متن مع اردو ترجمہ | سادات
Skip to content

نظرِ بد سے بچنے کا تعویذ

شِفا کی دُعائیں

نظرِ بد سے بچنے کا تعویذ

روایت میں آیا ہے کہ نظر بد کے اثرات دور کرنے کیلئے آیت اِنْ یَکَادُوْ پڑھے کہ یہ سورہ قلم کی آیت ہے

وَ اِنۡ یَّکَادُ الَّذِیۡنَ کَفَرُوۡا لَیُزۡلِقُوۡنَکَ بِاَبۡصَارِہِمۡ لَمَّا سَمِعُوا الذِّکۡرَ وَ یَقُوۡلُوۡنَ اِنَّہٗ لَمَجۡنُوۡنٌ

(آیت 51، سورہ قلم، پارہ 29)

ترجمہ: اور بے شک کافر لوگ جب قرآن سنتے ہیں تو ایسے لگتا ہے کہ آپؐ کو اپنی (حاسدانہ بد) نظروں سے نقصان پہنچانا (پسلانا) چاہتے ہیں اور کہتے ہیں کہ یہ تو دیوانہ ہے (معاذ اللہ)۔

نیز امام جعفر صادقؑ سے مروی ہے کہ جب کسی کو یہ خوف ہو کہ کسی کو نظر لگ جائے گی یا اسے کسی کی نظر لگ جائے تو تین مرتبہ کہے

مَا شاءَ اللہ لاَ قُوَّةَ إلاَّ بِالله الْعَلِیِّ الْعَظِیمِ

ترجمہ: وہی ہوتا ہے جو خدا چاہے نہیں کوئی قوت (طاقت) مگر جو خدائے بلند بزرگ تر (علی العظیم) سے ہے۔

روایت میں آیا ہے کہ جب کوئی اپنے آپ کو بنا سنوار کر باہر نکلے تو سورہ فلق و سورہ والناس پڑھ لے انشاء اللہ کوئی چیز اسے نقصان نہیں پہنچائے گی نیز نظرِ بد سے بچنے کیلئے دونوں ہاتھ چہرے کے سامنے بلند کر کے سورہ حمد، سورہ توحید، سورہ فلق، سورہ والناس کو پڑھ کر ہاتھوں کو سر کے اگلے حصے پر پھیرے۔

(نظرِ بد کا دوسرا تعویذ)

اَللّٰهُمَّ رَبَّ مَطَرٍ حَابِسٍ وَ حَجَرَ يَابِسِ وَ لَیْلِ دَامِسِ وَ رَطْبٍ وَ یَابِسٍ رُدَّ عَیْنَ الْعَایِنِ عَلَیْهِ فِی کَبِدِهِ وَ نَحْرِهِ وَ مالِهِ فَارْجِعِ الْبَصَرَ هَلْ تَریٰ مِنْفَطُور ثُمَّ ارْجِعِ الْبَصَرَ کَرَّتَیْنِ یَنْقَلِبْ إلَیْکَ الْبَصَرُخَاسِئا وَهُوَ حَسِیرٌ

ترجمہ: اے معبود اے رُکی ہوئی بارش خشک پتھر تاریک رات اور ہر خشک و تر چیز کے پروردگار نظر لگانے والے کی نظر کو اس کے جگر اس کی گردن اور اس کے مال پر لوٹا دے۔ پس نظر اٹھا کے دیکھ بھلا تجھے شگاف نظر آتا ہے پھر دوبارہ آنکھ اٹھا کے دیکھ ہر بار تیری نظر تھک ہار کر تیری طرف پلٹ آئے گی۔

(نظرِ بد سے بچنے کیلئے ایک دوسرا تعویذ)

نظر بد سے بچنے کیلئے یہ پڑھے

اللَّهُمَّ ذَا السُّلْطَانِ الْعَظِیْمِ وَالْمَنِّ الْقَدِیمِ وَالْوَجْهِ الْكَرِیمِ ذَا الْكَلِمَاتِ التَّامَّاتِ وَالدَّعَواتِ الْمُسْتَجَابَاتِ عَافِ فُلانًا مِنْ أَنْفُسِ الْجِنِّ وَأَعْیُنِ النَّاسِ

ترجمہ: اے معبود اے بڑی سلطنت کے مالک قدیم احسان والے اے عطا کرنے والی ذات اے کامل و مکمل کلمات اور قبول شدہ دعائوں کے صاحب و مالک، فلاں شخص کو جنات کی پھونکوں اور انسانوں کی نظروں سے بچا۔

یہ وہ تعویذ ہے جو سرکارِ رسالت مآبؐ نے حضراتِ حسنینؑ کے لئے پڑھا تھا نیز اپنے اصحابؓ سے فرمایا: تم بھی اپنی اولاد کو اسی تعویذ کے ساتھ حتمی طور پر محفوظ رکھو۔

کاؤنٹر، آڈیو اور آف لائن مطالعہ ایپ میں دستیاب ہے۔

سادات کو ساتھ رکھیں

مکمل تجربہ — آف لائن مطالعہ، آڈیو، یاد دہانیاں اور بک مارکس — ایپ میں ہے۔

Get it on Google Playجلد آ رہی ہےDownload on the App Store