آنکھ کا درد دور کرنے کا عمل
بہت سی روایات میں ہے کہ آنکھ کا درد ختم کرنے کے لئے فجر اور مغرب کی نماز کے بعد یہ دعا پڑھے
اللَّهُمَّ إنِّی أَسْأَلُکَ بِحَقِّ مُحَمَّدٍ وَآلِ مُحَمَّدٍ عَلَیْکَ أَنْ تُصَلِّیَ عَلَی مُحَمَّدٍ وَآل مُحَمَّدٍ وَأَنْ تَجْعَلَ ا لنُّورَفِی بَصَرِی وَالْبَصِیرَةَ فِی دِینِی وَالْیَقِینَ فِی قَلْبِی وَالْاِخْلاصَ فِی عَمَلِی وَالسَّلامَةَ فِی نَفْسِی وَالسَّعَةَ فِی رِزْقِی وَالشُّکْرَ لَکَ أَبَداً مَا أَبْقَیْتَنِی
ترجمہ: اے معبود میں سوال کرتا ہوں محمدؐ وآلِ محمدؐ کے اس حق کے واسطے سے جو تجھ پر ہے کہ تو رحمت فرمائے محمدؐ اور آلِ محمدؐ پر اور یہ کہ میری آنکھوں میں روشنی قرار دے میرے دین میں سمجھ عطا کر میرے دل میں یقین پیدا فرما عمل میں خلوص دے میرے دل کو مطمئن رکھ میرے رزق میں کشادگی دے اور جب تک زندہ ہوں مجھے اپنا شکر گزار بنائے رکھ۔
اس کے بعد محمدؐ آلِؑ محمد صلىاللهعليہ وآلہ وسلم پر درود بھیجے اور محمدؐ و آلِؑ محمدؐ کے دشمنوں پر لعنت کیجئے۔
نیز بزنطی نے یونس بن ظبیان سے روایت کی ہے کہ ہم امام جعفر صادقؑ کی خدمت میں حاضر ہوئے تو دیکھا کہ آپ علیہ السلام کی آنکھوں میں شدید درد تھا یہ حالت دیکھ کر ہم بہت افسردہ ہوئے مگر دوسرے روز جب ہم آپ علیہ السلام کے پاس آئے تو دیکھا آنکھیں بالکل ٹھیک ہوچکی ہیں ہم نے عرض کی ہم آپ علیہ السلام پر قربان ہوجائیں آپ علیہ السلام نے کس چیز سے آنکھوں کا علاج کیا ہے فرمایا ہم نے معالجے کی چیزوں میں سے ایک چیز سے علاج کیا ہے ہم نے پو چھا کہ وہ کیا ہے فرمایا کہ وہ ایک تعویذ تھا جسے ہم نے لکھا اور وہ یہ ہے
أَعُوذُ بِعِزَّةِ اللہ ،وَأَعُوذ بِقُوَّةِ اللہ وَأَعُوذُ بِقُدْرَةِ اللہ ، وَأَعُوذُ بِنُورِ اللہ وَأَعُوذُ بِعَظَمَةِ اللہ وَأَعُوذُ بِجَلالِ اللہ وَأَعُوذُ بِجَمالِ اللہ وَأَعُوذُ بِبَهائِ اللہ وَأَعُوذُ بِجَمْعِ اللہ بِکُلِّ اللہ وَأَعُوذُ بِعَفْوِ اللہ ، وَأَعُوذُ بِغُفْرَانِ اللہ ، وَأَعُوذُ بِرَسُولِ اللہ وَأَعُوذُ بِآلاَءِمَّةِ
یہاں پر ہر امام کا نام لیا اور پھر فرمایا
عَلَی مَا تَشَائُ مِنْ شَرِّ مَا أَجِدُ، اللَّهُمَّ رَبَّ الْمُطِیعِینَ أُعِیذُ نُورَ بَصَرِی بِنُورِ اللہ الَّذِی لاَ یُطْفَأ
ترجمہ: پناہ لیتا ہوں خدا کی عزت کی پناہ لیتا ہوں خدا کی قوت کی پناہ لیتا ہوں خدا کی قدرت کی پناہ لیتا ہوں خدا کے نور کی پناہ لیتا ہوں خدا کی بزرگی کی خدا کے دبدبے کی پناہ لیتا ہوں خدا کی زیبائی کی پناہ لیتا ہوں خدا کی تابانی کی اور پناہ لیتا ہوں خدا کے سب کچھ کی۔ ہم نے پوچھا کہ خدا کا سب کچھ کیا ہے آپ علیہ السلام نے فرمایا، اللہ کی ہر چیز کے ساتھ پناہ لیتا ہوں خدا کے در گزر کی پناہ لیتا ہوں خدا کی بخشش کی پناہ لیتا ہوں خدا کے رسولؐ کی پناہ لیتا ہوں اور آئمہ معصومینؑ کہ پناہ لیتا ہوں۔
یہاں پر ہر امامؑ کا نام لیا اور پھر فرمایا:
اس پر کہ جو تکلیف محسوس کرتا ہوں پناہ لیتا ہوں اے معبود اطاعت گزاروں کے رب کی۔
علاوہ ازیں آنکھ کے درد کیلئے یہ بھی وارد ہوا ہے کہ آنکھ پر آیت الکرسی پڑھے اور دل میں اس بات کا یقین رکھے کہ دور ہو جائیگا اگر آیت الکرسی پڑھنے سے پہلے آنکھوں پر ہاتھ رکھ کر یہ دعا پڑھے تو بھی صحیح ہے:
میں اپنی آنکھوں کے نور کو خدا کے نور کی پناہ میں دیتا ہوں جو بجھتا نہیں۔
اور یہ نظر کی کمزوری کے لئے بھی فائدہ مند ہے نیز نظر کی کمزوری اور توندھے کو دور کرنے کے لئے آیتِ نور متعدد بار کسی برتن پر لکھ کر دھوئے اور اس پانی کو کسی شیشی میں ڈال کر پھر اس کو سلائی سے آنکھوں میں لگاتا رہے نیز روایت میں ہے کہ جو شخص قرآن دیکھ کر (ناظرہ) پڑھے تو اس کی آنکھوں کو اس سے فائدہ پہنچے گا اور نظر ٹھیک رہے گی اور جو شخص روزانہ
فَجَعَلْنَاهُ سَمِیْعاً بَصِيْراً
(آیت 2، سورہ الانسان، پارہ 29)
ترجمہ:پس ہم نے اسے سننے دیکھنے والا بنایا،
کہے تو اس کی آنکھیں ہر آفت سے محفوظ رہیں گی۔
شیخ کفعمی فرماتے ہیں کہ اس بات کا تجربہ اور آزمائش کی جاچکی ہے کہ آنکھ کے درد اور جسم کے تمام اعضا کے دروں کیلئے امام موسیٰ کاظمؑ سے توسل کیا جائے۔
محمدؐ آلِؑ محمد صلىاللهعليہ وآلہ وسلم پر درود بھیجے اور محمدؐ و آلِؑ محمدؐ کے دشمنوں پر لعنت کیجئے۔