اندھے پن، کوڑھ، دیوانگی، تنگدستی اور دیگر آفات سے حفاظت
کتاب التہذیب میں روایت ہے کہ جو شخص نمازِ صبح کے بعد درج ذیل دعا دس (10) مرتبہ پڑھے تو حق تعالیٰ اس کو اندھے پن، دیوانگی، کوڑھ، تہی دستی، چھت تلے دبنے، اور بڑھاپے میں حواس کھو بیٹھنے سے محفوظ فرماتا ہے
سُبْحَانَ ﷲِ الْعَظِیْمِ وَبِحَمْدِہٖ
پاک ہے خدائے برتر اور تعریف سب اسی کی ہے
وَلاَ حَوْلَ وَلاَ قُوَّۃَ إِلَّا بِاللَّهِ الْعَلِيِّ الْعَظِيمِ
اور نہیں کوئی حرکت و قوت مگر وہ جو خدائے بلند و برتر سے ملتی ہے۔
نیز شیخ کلینی نے حضرت امام جعفر صادقؑ سے روایت کی ہے کہ جو نماز صبح اور نماز مغرب کے بعد سات (7) مرتبہ درج ذیل دعا پڑھے تو حق تعالیٰ اس سے ستر (70) قسم کی بلائیں دور کر دیتا ہے کہ ان میں سب سے معمولی زہر باد، پھلبہری اور دیوانگی وغیرہ ہیں اور اگر وہ شقی ہے تو اسے اس زمرے سے نکال کر سعید و نیک بخت لوگوں میں داخل کر دیا جائے گا۔
بِسْمِ ﷲِ الرَّحْمٰنِ الرَّحِیْمِ
لَا حَوْلَ وَلَا قُوَّۃَ اِلَّا بِاللہِ الْعَلِیِّ الْعَظِیْمِ
نہیں کوئی حرکت و قوت مگر وہ جو خدائے بزرگ و برتر سے ملتی ہے۔
نیز آنحضرتؐ سے روایت ہے کہ دنیا و آخرت کی کامیابی اور دردِ چشم کے خاتمے کیلئے صبح اور مغرب کی نماز کے بعد یہ دعا پڑھیں:
اَللَّٰھُمَّ اِنِّیْ ٲَسْٲَلُكَ بِحَقِّ مُحَمَّدٍ وَاٰلِ مُحَمَّدٍ عَلَیْكَ
خداوندا! محمدؐ وآل محمدؐ کا جو تجھ پر حق ہے میں اس کے واسطے سے سوال کرتا ہوں
صَلِّ عَلٰی مُحَمَّدٍ وَاٰلِ مُحَمَّدٍ
کہ محمدؐ و آلِ محمدؐ پر اپنی رحمت نازل فرما
وَاجْعَلِ النُّوْرَ فِیْ بَصَرِیْ، وَالْبَصِیْرَۃَ فِیْ دِیْنِیْ
کہ میری آنکھوں میں نور ، میرے دین میں بصیرت،
وَالْیَقِیْنَ فِیْ قَلْبِیْ، وَالْاِخْلَاصَ فِیْ عَمَلِیْ
میرے دل میں یقین، میرے عمل میں اخلاص
وَالسَّلَامَۃَ فِیْ نَفْسِیْ، وَالسَّعَۃَ فِیْ رِزْقِیْ
میرے نفس میں سلامتی اور میرے رزق میں کشادگی عطا فرما
وَالشُّكْرَ لَكَ ٲَبَدًا مَا ٲَبْقَیْتَنِیْ
اور جب تک زندہ رہوں مجھے اپنے شکر کی توفیق دیتا رہ۔