حرزِ حضرت ابوالفضل العباسؑ — عربی متن مع اردو ترجمہ | سادات
Skip to content

حرزِ حضرت ابوالفضل العباسؑ

شِفا کی دُعائیں

حرزِ حضرت ابوالفضل العباسؑ

دو رکعت نماز حضرت ابوالفضل العباسؑ سے استفادہ (توسل) کی نیت سے پڑھیں۔

نماز کے بعد سات (7) مرتبہ محمدؐ و آلِ محمدؐ پر درود پڑھیں، اور انکے دشمنوں پر لعنت کریں۔

ایک سو تیتیس (133) مرتبہ (یا کاشِفَ الْکَرْبِ عَنْ وَجهِ الْحُسَینِ اِکْشِفْ کَرْبى بِحَقِّ اَخیکَ الْحُسَیْنِ علیہ السلام) پڑھیں۔

سات (7) مرتبہ (أَمَّنْ يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ) پڑھیں۔

سات (7) مرتبہ (یا اللہ) پڑھیں۔

سات (7) مرتبہ (لَا إِلَٰهَ إِلَّا أَنْتَ سُبْحَانَكَ إِنِّي كُنْتُ مِنَ الظَّالِمِينَ) پڑھیں۔

یہ تمام اذکار پڑھنے کے بعد گریہ و زاری کے ساتھ اپنی جملہ پریشانیوں کیلئے خوب دعا کریں۔ اس عمل کو انجام دینے کے بہترین اوقات صبح صادق یعنی فجر کی نماز کے فوراً بعد اور مغرب کی نماز کے فوراً بعد ہیں۔ یہ عمل مقررہ اوقات پر سات 7 دن تک لگاتار انجام دیا جائے۔

7 عددِ سات کیا ہیں؟

مولا ابوالفضل العباس علمدارؑ ایک ایسی طلسماتی اور پُراسرار شخصیت ہیں کہ جو راز ہی راز ہے۔ اس نام کے اعداد نکالے جائیں اس میں بھی راز ہے۔

عباس:

ع:70

ب : 2

الف: 1

س : 60

ٹوٹل اعداد: 133

حاصلِ عدد: 7

اب میں آپ کو اس عددِ سات کے اسرار (راز) قرآن سے دکھاتا ہوں۔

ارشاد ہورہا ہے

اِنَّمَآ اَمْرُهٗٓ اِذَآ اَرَادَ شَيْئًا اَنْ يَّقُوْلَ لَـهٗ كُنْ فَيَكُـوْنُ

(آیت 82، سورہ یٰسین، پارہ 23)

ترجمہ:اس کی تو یہ شان ہے کہ جب وہ کسی چیز کا ارادہ کرتا ہے تو اتنا ہی فرما دیتا ہے کہ ہو جا، سو وہ ہو جاتی ہے۔

اللہ جب بھی کسی چیز کا ارادہ کرتا ہے تو وہ ’’کن‘‘ کہتا ہے اور وہ چیز ہوجاتی ہے۔

اب ’’كُنْ‘‘ کے عدد نکالیں۔

ک:20

ن : 50

ٹوٹل اعداد: 70

حاصل عدد: 7

یعنی ’’کن‘‘ میں مولا عباسؑ کی حقیقت چھپی ہوئی ہے۔ اللہ ’’کن‘‘ کہے یا عباسؑ کہے ایک ہی بات ہے۔ مولا عباسؑ مظہر العجائب ہیں انؑ کا نام لینے کی بس دیر ہوتی ہے کہ مشکل ٹل جاتی ہے اسی کو تو ’’كُنْ فَيَكُـوْن‘‘ کہتے ہیں۔

اللہ نے قرآن میں فرمایا

وَلَقَدْ اٰتَيْنَاكَ سَبْعًا مِّنَ الْمَثَانِىْ وَالْقُرْاٰنَ الْعَظِيْـمَ

(آیت 87، سورہ حجر، پارہ 14)

ترجمہ:اور ہم نے تمہیں سبع مثانی اور عظمت والا قرآن دیا۔

سبعِ مثانی یعنی سات آیات اور ان سے مراد تفاسیر میں محمدؑ وآل محمدؑ ہے۔ یعنی محمدؑ وآل محمدؑ ایک طرف اور قرآن ایک طرف۔ اور جناب عباسؑ کا عدد سات ہے یعنی محمدؑ وآل محمدؑ کی حقیقت عباسؑ میں مخفی ہے یا یوں کہہ لو کہ جناب عباسؑ حقیقتِ محمدؑ و آل محمدؑ کا راز ہیں۔

جیسا کہ مولا علیؑ کا فرمان ہے:

ہم اللہ کا راز ہیں اور عباسؑ ہمارا راز ہے۔

اب سبع مثانی کا ایک اور نام سورہ الحمد بھی ہے جس کے بارے میں ارشاد ہے کہ قرآن کا کل علم سورہ الحمد میں ہے اور سورہ الحمد بھی سات (7) آیات پر مشتمل ہے یعنی سورہ الحمد بھی مولا عباسؑ کا راز ہے۔

سات (7) عدد کے اور بھی بہت سارے اسرار ہیں مثلاً:

اللہ نے سات آسمان بنائے، زمین کو سات طبقات میں قائم کیا۔ سورج کے گرد سات بڑے سیارے گردش کر رہے ہیں، دب اکبر میں سات ستارے ہیں۔ ہماری دنیا میں سات سمندر اور سات برِاعظم ہیں۔ ایک لاکھ چوبیس ہزار پیغمبر آئے۔ اس کا مجموعہ بھی سات ہے۔ زیارت معصومینؑ کل سات مقامات ہیں۔ خانہ کعبہ، مدینہ، نجف، کربلا ، کاظمین، خراسان و سامرہ، اصحابِ کہف سات ہیں۔ روشنی کے سات رنگ ہیں۔ ایک ایٹم کے سات مدار ہیں اور ہر حلقے کے سات مدارچے ہوتے ہیں۔ فن موسیقی میں سات سر ہوتے ہیں۔ بطنِ مادر (ماں کے پیٹ) میں بچہ سات ماہ میں مکمل ہوتا ہے۔ ہفتے میں سات دن ہیں۔ دنیا میں سات عجائبات ہیں۔ تاج محل، دیوارِ چین، اہرامِ مصر، ابوالہوال، پیسا کا مینار، الورو اجنتا کے غار، بابل کے باغات۔ جنگ بدر میں تین سو تیرہ (313) سپاہی تھے ان کا مجموعہ سات ہے۔ امام زمانہؑ کے ساتھی بھی تین سو تیرہ ہیں ان کے مجموعہ بھی سات ہے۔ کعبہ کے سات طواف کیے جاتے ہیں۔ سورۃ یٰسین میں لفظ مبین پر سات مرتبہ آیات ختم ہوتی ہیں۔ نسل کی شرافت کے ثبوت کے لیے سات پشتوں کا جائزہ ضروری ہے۔ اسی لیے رسولؐ اللہ نے فرمایا کہ میرے اجداد میں سات نام ہر مسلمان کو یاد ہونے چاہییں۔

یعنی پوری کائنات عددِ سات کی کرشمائی ہے۔ اس کے ذرّے ذرّے سے ایک ہی آواز آتی ہے۔ عباسؑ عباسؑ۔

پنجتن پاکؑ کے اعداد کا حاصل بھی سات ہے۔ محمدؐ کے 92۔ علیؑ کے 110۔ فاطمہؑ کے 135۔ حسنؑ کے 118۔ حسینؑ کے اعداد 128۔ کل اعداد 583 اور اس کا حاصل 16 ہے لہٰذا چھ اور ایک سات ہوئے۔

یعنی پنچتن پاکؑ کے مخفی خزانے کو عباسؑ کہتے ہیں۔

کاؤنٹر، آڈیو اور آف لائن مطالعہ ایپ میں دستیاب ہے۔

سادات کو ساتھ رکھیں

مکمل تجربہ — آف لائن مطالعہ، آڈیو، یاد دہانیاں اور بک مارکس — ایپ میں ہے۔

Get it on Google Playجلد آ رہی ہےDownload on the App Store