برص کی دعا — عربی متن مع اردو ترجمہ | سادات
Skip to content

برص کی دعا

شِفا کی دُعائیں

برص کی دعا

یونس کا بیان ہے کہ میری آنکھوں کے درمیان برص کی سفیدی (جلد میں چھوٹے چھوٹے سفید دھبے) ظاہر ہوئی تو میں نے اس کی شکایت امام جعفر صادقؑ سے کی تو آپؑ نے فرمایا: وضو کرکے دو رکعت نماز پڑھو اور پھر کہو

یَا اللہ یَا رَحْمنُ یَا رَحِیمُ، یَا سَمِیعَ الدَّعَواتِ، یَا مُعْطِیَ، الدُّنْیا وَخَیْرَ الاَْخِرَةِ وَقِنِی شَرَّ الدُّنْیا وَشَرَّ الاَْخِرَةِ وَأَذْهِبْ عَنِّی، مَا أَجِدُ فَقَدْ غاظَنِی الْاَمْرُ وَأَحْزَنَنِی

ترجمہ: اے اللہ اے بڑے رحم والے مہربان اے دعائوں کے سننے والے اے بھلایاں عطا کرنے والے مجھے دنیا اور آخرت میں بھلائی عطا فرما اور مجھے دنیا وآخرت کے شر و برائی سے بچا لے میری وہ بیماری دور کر جسے محسوس کرتا ہوں اس نے میرا کام خراب کیا اور غم لگا دیا۔

یونس کہتے ہیں کہ میں نے ایسا ہی کیا اور خدا تعالیٰ نے مجھ سے برص کی بیماری دور کر دی الحمد للہ۔

کتاب عدۃ الداعی میں روایت ہے کہ امام علیہ السلام نے اس سے فرمایا:

جب رات کا تیسرا حصہ آجائے تو اٹھ کر وضو کرو اور نماز تہجد بجا لائو تو پہلی رکعت کے دوسرے سجدے میں کہو

یَا عَلِیُّ یَا عَظِیمُ، یَا رَحْمنُ یَا رَحِیمُ، یَا سَامِعَ الدَّعَوَات یا معطی الخیراتِ اَللّٰهُمَّ صلی عَلَی مُحَمَّدٍ وَآلِ مُحَمَّدٍ وَأَعْطِنِی مِنْ خَیْرِ الدُّنْیا وَالاَْخِرَةِ مَا أَنْتَ أَهْلُهُ وَاصْرِفْ عَنِّی مِنْ شَر الدُّنْیَا وَالاَْخِرَةِ مَا أَنْت أَهْلُهُ، وَأَذْهِبْ عَنِّی هذَا الْوَجَعَ فَإنَّهُ قَدْ غَاظَنِی وَأَحْزَنَنِی

ترجمہ: اے بلند اے بزرگ اے بڑے رحم والے اے مہربان اے دعائوں کے سننے والے اے بھلایاں عطا کرنے والے رحمت فرما محمدؐ و آلِؑ محمدؐ پر اور مجھ کو دنیا و آخرت کی بھلائی عطا کر جیسی کہ تیری شان ہے مجھ سے دنیا و آخرت کی شر و برائی دور رکھ جیسے تیری شان کے لائق ہے اور میری یہ تکلیف دور کر دے کہ اس نے مجھے غم زدہ بنا رکھا ہے۔

اس کے بعد محمدؐ وآلِؑ محمد صلى‌الله‌عليہ ‌وآلہ ‌وسلم پر درود بھیجے اور محمدؐ و آلِؑ محمدؐ کے دشمنوں پر لعنت کیجئے۔

اور دعا پڑھتے ہوئے خوب گڑ گڑائو۔

یونس کہتے ہیں کہ میں نے امام علیہ السلام کے فرمان کے مطابق عمل کیا تو ابھی کوفہ نہیں پہنچ پایا تھا کہ شفا یاب ہو گیا۔

نیز برص کے لئے یہ بھی وارد ہوا ہے کہ کسی برتن پر شہد سے سورہ یٰسین لکھے اور اسے دھو کر پیے جیساکہ بواسیر کے لئے بھی یہی وارد ہوا ہے۔

اسی طرح تربتِ امام حسینؑ (خاکِ شفا) کو بارش کے پانی میں گھول کر پینا بھی برص کے لئے مفید بتایا گیا ہے۔ نیز مہندی میں نورہ ملا کر ملنا بھی مروی ہے۔

کاؤنٹر، آڈیو اور آف لائن مطالعہ ایپ میں دستیاب ہے۔

سادات کو ساتھ رکھیں

مکمل تجربہ — آف لائن مطالعہ، آڈیو، یاد دہانیاں اور بک مارکس — ایپ میں ہے۔

Get it on Google Playجلد آ رہی ہےDownload on the App Store