ہر قسم کے درد سے چھٹکارے کی دعا — عربی متن مع اردو ترجمہ | سادات
Skip to content

ہر قسم کے درد سے چھٹکارے کی دعا

شِفا کی دُعائیں

ہر قسم کے درد سے چھٹکارے کی دعا

(پہلی دعا)

منقول ہے کہ امام جعفر صادقؑ نے فرمایا کہ درد کے لئے یہ دعا پڑھو

بِسْمِ اللہ وَبِالله کَمْ مِنْ نِعْمَةٍ لِلّٰهِ، فِی عِرْقٍ ساکِنٍ وَغَیْرِ ساکِنٍ، عَلَی عَبْدٍ شاکِرٍ وَغَیْرِ شاکِرٍ

ترجمہ: خدا کے نام سے خدا کی ذات سے خدا کی کتنی نعمتیں جو ساکن اور متحرک رگوں میں ہیں شکر کرنے والے اور ناشکرے بندوں پر۔

پھر فریضہ نماز کے بعد اپنی داڑھی کو پکڑے اور تین مرتبہ کہے

اَللّٰهُمَّ فَرِّجْ عَنِّی کُرْبَتِی وَعَجِّلْ عافِیَتِیْ وَاکْشِفْ ضُرِّی

ترجمہ: اے معبود میری مصیبت دور کر دے جلد عافیت عطا کر اور میرا غم مٹا دے۔

اس میں کوشش کرے کہ یہ عمل گریہ اور آنسوئوں کے ساتھ انجام پائے۔

اس کے بعد محمدؐ آلِؑ محمد صلى‌الله‌عليہ ‌وآلہ ‌وسلم پر درود بھیجے اور محمدؐ و آلِؑ محمدؐ کے دشمنوں پر لعنت کیجئے۔

(دوسری دعا)

امام جعفر صادقؑ سے منقول ہے کہ درد کی جگہ پر ہاتھ رکھے اور کہے

بِسْمِ اللہ وَبِالله وَمُحَمَّدٌ رَسُولُ اللہ صَلَّی اللہ عَلَیْهِ وَآلِهِ وَلاَ حَوْلَ وَلاَ قُوَّةَ إلاَّ بِالله اَللّٰهُمَّ امْسَحْ عنِّی مَا أَجِدُ

ترجمہ: خدا کے نام سے خدا کی ذات سے اور خدا کے رسول صلی اللہ علیہ وآلہ وسلم کے ساتھ اور نہیں کوئی طاقت و قوت مگر جو خدا کی ہے اے معبود وہ درد ہٹا دے جسے محسوس کرتا ہوں۔

اس کے بعد اپنا دایاں ہاتھ تین مرتبہ درد کے مقام پر پھیرے۔

اس کے بعد محمدؐ آلِؑ محمد صلى‌الله‌عليہ ‌وآلہ ‌وسلم پر درود بھیجے اور محمدؐ و آلِؑ محمدؐ کے دشمنوں پر لعنت کیجئے۔

(تیسری دعا)

امام محمد باقرؑ سے مروی ہے کہ حضرت امیر المومنینؑ بیمار ہوئے تو رسول خداؐ ان کی بیمار پرسی کے لئے تشریف لائے اور فرمایا کہ اے علی علیہ السلام یہ دعا پڑھو

اَللّٰهُمَّ إنِّی أَسْأَلُکَ تَعْجِیلَ عافِیَتِکَ وَصَبْراً عَلَی بَلِیَّتِکَ وَخُرُوجاً إلَی رَحْمَتِکَ

ترجمہ: اے معبود تجھ سے مانگتا ہوں تیری طرف سے جلد صحت تیری طرف سے آئی مصیبت پر صبر اور تیری رحمت کی طرف جانے کی توفیق۔

اس کے بعد محمدؐ آلِؑ محمد صلى‌الله‌عليہ ‌وآلہ ‌وسلم پر درود بھیجے اور محمدؐ و آلِؑ محمدؐ کے دشمنوں پر لعنت کیجئے۔

(چو تھی دعا)

امام جعفر صادقؑ فرماتے ہیں کہ درد کی جگہ پر ہاتھ رکھ کر تین مرتبہ یہ دعا پڑھو

اَللّٰهُمَّ إنِّی أَسْأَلُک بِحَقِّ الْقُرْآنِ الْعَظِیمِ الَّذِی نَزَلَ بِهِ الرُّوْحُ الْاََمِینُ وَهُوَ عِنْدَکَ فِی أُمِّ الْکِتابِ عَلِیٌّ حَکِیمٌ، أَنْ تَشْفِیَنِی بِشِفائِکَ وَتُدَاوِیَنِی بِدَوَائِکَ وَتُعافِیَنِی مِنْ بَلائِکَ

ترجمہ: اے معبود میں تجھ سے سوال کرتا ہوں قرآن عظیم کے حق کا واسطہ دے کر کہ جس کو لے کر رو ح الامین نازل ہوتے رہے اور تیرے ہاں دفتر کل موجود ہے بلند مرتبہ حکمت والا ہے یہ کہ تو مجھے اپنی طرف سے شفا دے اور دوا سے میری چارہ گری فرما اور اپنی بلائوں سے محفوظ و مامون رکھ۔

اس کے بعد محمدؐ آلِؑ محمد صلى‌الله‌عليہ ‌وآلہ ‌وسلم پر درود بھیجے اور محمدؐ و آلِؑ محمدؐ کے دشمنوں پر لعنت کیجئے۔

(پانچویں دعا)

ابو حمزہ سے روایت ہے کہ میرے گھٹنے میں درد ہو گیا تو میں نے امام محمد باقرؑ سے اس کا ذکر کیا پس آپؑ نے فرمایا کہ جب نماز ادا کر چکو تو یہ دعا پڑھا کرو

یَا أَجْوَدَ مَنْ أَعْطَیٰ وَیَا خَیْرَ مَنْ سُئِلَ وَیَا أَرْحَمَ مَنِ اسْتُرْحِمَ اِرْحَمْ ضَعْفِی وَقِلَّةَ حِیلَتِی، وَاعْفِنِی مِنْ وَجَعِی

ترجمہ: اے سب سے دینے والوں سے زیادہ سخی اے سوال کیے جانے والوں میں بہترین اور اے رحم مانگے جانے والوں میں زیادہ رحم والے رحم فرما میری کمزوری اور میری ناکام تدبیروں پر اور مجھ کو اس درد سے نجا ت دے۔

اس کے بعد محمدؐ آلِؑ محمد صلى‌الله‌عليہ ‌وآلہ ‌وسلم پر درود بھیجے اور محمدؐ و آلِؑ محمدؐ کے دشمنوں پر لعنت کیجئے۔

ابو حمزہ کہتے ہیں میں نے یہ دعا پڑھی اور اس درد سے شفا پائی ۔

کاؤنٹر، آڈیو اور آف لائن مطالعہ ایپ میں دستیاب ہے۔

سادات کو ساتھ رکھیں

مکمل تجربہ — آف لائن مطالعہ، آڈیو، یاد دہانیاں اور بک مارکس — ایپ میں ہے۔

Get it on Google Playجلد آ رہی ہےDownload on the App Store