بخار سے شفا پانے کی دعا — عربی متن مع اردو ترجمہ | سادات
Skip to content

بخار سے شفا پانے کی دعا

شِفا کی دُعائیں

بخار سے شفا پانے کی دعا

سید ابن طائوس نے مہج الدعوات میں جنابِ سلمانِؑ فارسی سے ایک روایت کی ہے کہ جس کے آخر میں ایک خبر مذکور ہے اور اس کا خلاصہ یہ ہے کہ سیدہؑ زہرا علیہ السلام نے مجھے ایک ورد بتایا جو انہوں نے رسول اللہ صلى‌الله‌عليہ ‌وآلہ ‌وسلم سے حفظ کیا ہوا تھا ، جسے آپؑ صبح و شام پڑھا کرتی تھیں۔

انہوں نے فرمایا کہ اگر تم چاہتے ہو کہ اس دنیا میں تمہیں کبھی بخار نہ چڑھے تو اس کلام (دعاءِ نور) کو ہمیشہ پڑھا کرو اور وہ کلام یہ ہے

بِسْمِ اللہ الرَّحْمنِ الرَّحِیمِ بِسْمِ اللہ النُّورِ، بِسْمِ اللہ نُورِ النُّورِ، بِسْمِ اللہ نُورٌ عَلی نُورٍ، بِسْمِ اللہ الَّذِی هُوَ مُدَبِّرُ الاَُْمُورِ بِسْمِ اللہ الَّذِی خَلَقَ النُّورَ مِنَ النُّورِ الْحَمْدُ لِلّٰهِ الَّذِی خَلَقَ النُّورَ مِنَ النُّورِ وَأَنْزَلَ النُّورَ عَلَی الطُّورِ فِی کِتابٍ مَسْطُورٍ فِی رَقٍّ مَنْشُورٍ بِقَدَرٍ مَقْدُورٍ عَلی نَبِیٍّ مَحْبُورٍ الْحَمْدُ لِلّٰهِِ الَّذِی هُوَ بِالْعِزِّ مَذْکُورٌ وَبِالْفَخْرِ مَشْهُورٌ وَعَلَی السَّرَّائِ وَالضَّرَّائِ مَشْکُورٌ وَصَلَّی اللہ عَلی سَیِّدِنا مُحَمَّدٍ وَآلِهِ الطَّاهِرِینَ

ترجمہ:اللہ کے اسم سے شروع جو بڑا مہربان اور نہایت رحم والا ہے

خداوندِ نور کے اسم (یعنی نامِ علیؑ) کے واسطے سے اس اللہ کے اسم کے واسطے سے جو نور کا نور ہے اس اللہ کے اسم کے واسطے سے جو نور پر نور ہے اس اللہ کے اسم کے واسطے سے جو کاموں کو سنوارنے والا ہے اس اللہ کے اسم کے واسطے سے جس نے نور کو نور سے پیدا کیا حمد اسی خدا کیلئے ہے جس نے نور کو نور سے پیدا کیا اور نور کو کوہِ طور پر نازل کیا۔ ایک لکھی ہوئی کتاب میں ایک پھیلے ہوئے ورق میں اندازے کے مطابق ایک دانشمند پیغمبرؐ پر حمد اسی خدا کے لیے ہے جو عزت کے ساتھ یاد کیا جاتا ہے فخر کے ساتھ مشہور ہے اور جس کا تنگی و فراخی میں شکر کیا جاتا ہے ہمارے آقا محمد صلى‌الله‌عليہ ‌وآلہ ‌وسلم پر اور ان کی آل علیہ السلام پر خدا کی رحمت ہو۔

سلمانؑ کہتے ہیں کہ

جب میں نے یہ ورد سیدہ پاک زہراؑ سے حاصل کیا تو قسم بخدا کہ میں نے یہ مکہ و مدینہ میں ایسے ایک ہزار افراد کو بتایا کہ جو بخار میں مبتلا تھے جن کو اس کے پڑھنے سے بحکمِ خدا شفا حاصل ہوئی۔

کاؤنٹر، آڈیو اور آف لائن مطالعہ ایپ میں دستیاب ہے۔

سادات کو ساتھ رکھیں

مکمل تجربہ — آف لائن مطالعہ، آڈیو، یاد دہانیاں اور بک مارکس — ایپ میں ہے۔

Get it on Google Playجلد آ رہی ہےDownload on the App Store