Surə Al-A'laa

سَبِّحِ اسْمَ رَبِّكَ الْاَعْلَي ۝١ۙ

1(Ya Peyğəmbər!) Ən uca olan Rəbbinin adını pak (müqəddəs) tutub şə’ninə təriflər de!

الَّذِيْ خَلَقَ فَسَوّٰي ۝٢ࣕۙ

2O Rəbbin ki, (hər şeyi) xəlq etdi və nizama saldı.

وَالَّذِيْ قَدَّرَ فَهَدٰي ۝٣ࣕۙ

3O Rəbbin ki, (hər şeyin keyfiyyətini, xüsusiyyətini, davam müddətini) əzəldən müəyyən etdi və (hamıya) yol göstərdi.

وَالَّذِيْٓ اَخْرَجَ الْمَرْعٰي ۝٤ࣕۙ

4O Rəbbin ki, (torpağı yarıb ondan yamyaşıl) otlar çıxartdı.

فَجَعَلَهٗ غُثَا࢜ءً اَحْوٰي ۝٥ؕ

5Sonra da onu (qupquru) qara çör-çöpə döndərdi.

سَنُقْرِي͏ٔ͏ُكَ فَلَا تَنْسٰٓي ۝٦ۙ

6(Ya Peyğəmbər!) Biz sənə (Qur’anı) oxudacağıq və sən (onu) unutmayacaqsan;

اِلَّا مَا شَا࢜ءَ اللّٰهُؕ اِنَّهٗ يَعْلَمُ الْجَهْرَ وَمَا يَخْفٰي ۝٧ؕ

7Yalnız Allahın dilədiyindən (hökmünü ləğv etdiyimiz bu və ya digər ayədən) başqa! Şübhəsiz ki, O, aşkarı da, gizlini də bilir!

وَنُيَسِّرُكَ لِلْيُسْرٰي ۝٨ۚۖ

8Biz sənə ən asan olanı (islam şəriətini) müyəssər edərik.

فَذَكِّرْ اِنْ نَّفَعَتِ الذِّكْرٰي ۝٩ؕ

9(Ya Peyğəmbər!) Əgər nəsihət etmək fayda versə, (ümmətinə Qur’anla) öyüd-nəsihət ver!

سَيَذَّكَّرُ مَنْ يَّخْشٰي ۝١٠ۙ

10(Allahdan) qorxan kimsə mütləq öyüd-nəsihət qəbul edəcəkdir!

وَيَتَجَنَّبُهَا الْاَشْقَي ۝١١ۙ

11Bədbəxt (kafir) isə ondan (öyüd-nəsihətdən) qaçacaqdır.

الَّذِيْ يَصْلَي النَّارَ الْكُبْرٰي ۝١٢ۚ

12(O bədbəxt ki) ən böyük oda (cəhənnəm oduna) girəcəkdir.

ثُمَّ لَا يَمُوْتُ فِيْهَا وَلَا يَحْيٰي ۝١٣ؕ

13Orada nə öləcək, nə də yaşayacaqdır! (Nə ölü kimi ölü, nə də diri kimi diri olacaqdır!)

قَدْ اَفْلَحَ مَنْ تَزَكّٰي ۝١٤ۙ

14(Günahlardan) təmizlənən kimsə isə nicat tapacaqdır.

وَذَكَرَ اسْمَ رَبِّهٖ فَصَلّٰي ۝١٥ؕ

15O kimsə ki, Rəbbinin adını zikr edib namaz qılar!

بَلْ تُو͏ٔ͏ْثِرُوْنَ الْحَيٰوةَ الدُّنْيَا ۝١٦ۚۖ

16Lakin siz (ey insanlar!) dünyanı üstün tutursunuz!

وَالْاٰخِرَةُ خَيْرٌ وَّاَبْقٰي ۝١٧ؕ

17Halbuki axirət daha xeyirli və daha baqidir.

اِنَّ هٰذَا لَفِي الصُّحُفِ الْاُوْلٰي ۝١٨ۙ

18Həqiqətən, bu deyilənlər (Qur’andan) əvvəlki kitablarda mövcuddur -

صُحُفِ اِبْرٰهِيْمَ وَمُوْسٰي ۝١٩ࣖ

19İbrahimin və Musanın kitablarında!