مناجات المحبّين۔
بِسْمِ اللهِ الرَّحْمٰنِ الرَّحِيْمِ۔
اللّٰهُمَّ صَلِّ عَلَىٰ مُحَمَّدٍ وَآلِ مُحَمَّدٍ
اِلٰهِىْ مَنْ ذَا الَّذِىْ ذَاقَ حَلَاوَةَ مَحَبَّتِكَ فَرَامَ مِنْكَ بَدَلًا
وَّ مَنْ ذَا الَّذىْ اَنِسَ بِقُرْبِكَ فَابْتَغٰى عَنْكَ حِوَلًا
اِلٰهِىْ فَاجْعَلْنَا مِمَّنِ
اصْطَفَيْتَهٗ لِقُرْبِكَ وَ وِلَايَتِكَ
وَ اَخْلَصْتَهٗ لِوُدِّكَ وَ مَحَبَّتِكَ
وَ شَوَّقْتَهٗ اِلٰى لِقَاۤئِكَ
وَ رَضَّيْتَهٗ بِقَضَاۤئِكَ
وَ مَنَحْتَهٗ بِالنَّظَرِ اِلٰى وَجْهِكَ
وَ حَبَوْتَهٗ بِرِضَاكَ
وَ اَعَذْتَهٗ مِنْ هَجْرِكَ وَ قِلَاكَ
وَ بَوَّاتَهٗ مَقْعَدَا لصِّدْقِ فِىْ جَوَارِكَ
وَ خَصَصْتَهٗ بِمَعْرِفَتِكَ
وَ اَهَّلْتَهٗ لِعِبَادِتِكَ
وَ هَيَّمْتَ قَلْبَهٗ لِاِرَادَتِكَ
وَاجْتَبَيْتَهٗ لِمُشَاهَدَتِكَ
وَ اَخْلَيْتَ وَجْهَهٗ لَكَ
وَ فَرَّغْتَ فُؤَادَهٗ لِحُبِّكَ
وَ رَغَّبْتَهٗ فِيْمَا عِنْدَكَ
وَ اَلْهَمْتَهٗ ذِكْرَكَ
وَ اَوْزَعْتَهٗ شُكْرَكَ
وَ شَغَلْتَهٗ بِطَاعَتِكَ
وَ صَيَّرْتَهٗ مِنْ صَالِحِىْ بَرِيَّتِكَ
وَاخْتَرْتَهٗ لِمُنَاجَاتِكَ
وَ قَطَعْتَ عَنْهُ كُلَّ شَىْءٍ يَقْطَعُهٗ عَنْكَ
اَللّٰهُمَّ اجْعَلْنَا مِمَّنْ
دَابُهُمُ الْاِرْتِيَاحُ اِلَيْكَ وَالْحَنِيْنَ
وَ دَهْرُهُمُ الزَّفْرَةُ وَالْاَنِيْنَ
جِبَاهُهُمْ سَاجِدَةٌ لِعَظَمَتِكَ
وَ عُيُوْنُهُمْ سَاهِرَةٌ فِىْ خِدْمَتِكَ
وَ دُمُوْعُهُمْ سَاۤئِلَةٌ مِنْ خَشْيَتِكَ
وَ قُلُوْبُهُمْ مُتَعَلِّقَةٌ بِمَحَبَّتِكَ
وَ اَفْئِدَتُهُمْ مُنْخَلِعَةٌ مِنْ مَهَابَتِكَ
يَا مَنْ اَنْوَارُ قُدْسِهٖ لِاَبْصَارِ مُحِبِّيْهِ رَاۤئِقَةٌ
وَ سُبْحَاتُ وَجْهِهٖ لِقُلُوْبِ عَارِفِيْهِ شَاۤئِقَةٌ
يَا مُنٰى قُلُوْبِ الْمُشْتَاقِيْنَ
وَ يَا غَايَةَ اٰمَالِ الْمُحِبِّيْنَ
اَسْئَلُكَ حُبَّكَ وَ حُبَّ مَنْ يُّحِبُّكَ
وَ حُبَّ كُلِّ عَمَلٍ يُوْصِلُنِىْ اِلٰى قُرْبِكَ
وَ اَنْ تَجْعَلَكَ اَحَبَّ اِلَيَّ مِمَّا سِوَاكَ
وَ اَنْ تَجَعَلَ
حُبِّىْ اِيَّاكَ قَائِدًا اِلٰى رِضْوَانِكَ
وَ شَوْقِىْ اِلَيْكَ ذَائِدًا عَنْ عِصْيَانِكَ
وَامْنُنْ بِالنَّظَرِ اِلَيْكَ عَلَيَّ
وَانْظُرْ بِعَيْنِ الْوُدِّ وَالْعَطْفِ اِلَيَّ
وَلَا تَصْرِفْ عَنِّىْ وَجْهَكَ
وَاجْعَلْنِىْ مِنْ اَهْلِ الْاِسْعَادِ وَالْحُظْوَةِ عِنْدَكَ
يَا مُجِيْبُ يَا اَرْحَمَ الرَّاحِمِيْنَ۔
بِسْمِ اللَّهِ الرَّحْمٰنِ الرَّحِيمِ اے میرے معبود! کون ہے وہ جس نے تیری محبت کی مٹھاس چکھی ہو، پھر تجھ سے بڑھ کر کسی اور کو چاہا ہو؟ اور کون ہے وہ جو تیرے قرب سے مانوس ہوا ہو، پھر تجھ سے منہ موڑ کر کسی اور کی طرف گیا ہو؟ اے میرے اللہ! ہمیں اُن لوگوں میں شامل فرما: جنہیں تو نے اپنے قرب اور اپنی ولایت کے لیے چُن لیا، اور جنہیں اپنی دوستی اور محبت کے لیے خالص کر لیا، اور جن کے دلوں میں اپنی ملاقات کی آرزو جگا دی، اور جنہیں اپنے فیصلوں پر راضی کر دیا، اور جنہیں اپنے دیدار کی نعمت عطا فرمائی، اور جنہیں اپنی رضا کا لباس پہنایا، اور جنہیں اپنی جدائی اور ناراضی سے پناہ دی، اور جنہیں اپنے جوار میں سچائی کی نشست عطا کی، اور جنہیں اپنی معرفت کے لیے مخصوص کیا، اور جنہیں اپنی عبادت کے لیے اہل بنایا، اور جن کے دلوں کو اپنی چاہت میں بےقرار کر دیا، اور جنہیں اپنے مشاہدے کے لیے برگزیدہ کیا، اور جن کے چہروں کو صرف اپنے لیے خالص کر دیا، اور جن کے دلوں کو اپنی محبت کے لیے فارغ کر دیا، اور جنہیں اپنی بارگاہ کی نعمتوں کی رغبت دی، اور جنہیں اپنا ذکر الہام کیا، اور جنہیں اپنی شکرگزاری کی توفیق دی، اور جنہیں اپنی اطاعت میں مشغول رکھا، اور جنہیں اپنی مخلوق کے نیک بندوں (یعنی شیعانِ امیرالمؤمنینؑ) میں شامل کیا، اور جنہیں اپنی مناجات کے لیے منتخب فرمایا، اور جن سے ہر اُس چیز کو جدا کر دیا جو انہیں تجھ سے دور کرتی ہے۔ اے اللہ! ہمیں اُن میں شامل فرما: جن کا شیوہ تیری طرف رجوع اور تیری یاد میں سرور ہو، اور جن کی زندگی آہوں اور سسکیوں میں گزرتی ہو، جن کی پیشانیاں تیری عظمت کے سامنے سجدہ ریز ہوں، اور جن کی آنکھیں تیری خدمت میں بیدار رہیں، اور جن کے آنسو تیرے خوف سے بہتے رہیں، اور جن کے دل تیری محبت سے وابستہ ہوں، اور جن کے دل تیرے جلال کے خوف سے لرزتے ہوں۔ اے وہ ذات! جس کی پاکیزہ تجلیاں اپنے چاہنے والوں کی نگاہوں کو منور کرتی ہیں، اور جس کے جمال کی جھلک اپنے عارف بندوں کے دلوں کو بےتاب کر دیتی ہے، اے مشتاق دلوں کی آرزو! اور اے محبت کرنے والوں کی امیدوں کی انتہا! میں تجھ سے تیری محبت مانگتا ہوں، اور اُس کی محبت جو تجھ سے محبت کرتا ہے، اور ہر اُس عمل کی محبت جو مجھے تیرے قرب تک پہنچا دے، اور یہ کہ تو خود میرے نزدیک ہر چیز سے زیادہ محبوب ہو جائے، اور یہ کہ میری تیری محبت مجھے تیری رضا تک لے جانے والی بن جائے، اور میری تیری طرف رغبت مجھے تیری نافرمانی سے روکنے والی ہو جائے۔ اور مجھ پر اپنے دیدار کی نظرِ کرم فرما، اور مجھ پر محبت اور مہربانی کی نگاہ ڈال، اور اپنا رخ مجھ سے نہ پھیر، اور مجھے اپنے ہاں سعادت اور قرب پانے والوں میں شامل فرما۔ اے دعا قبول کرنے والے! اے سب سے بڑھ کر رحم فرمانے والے!