Surə Al-Lail

وَالَّيْلِ اِذَا يَغْشٰي ۝١ۙ

1And olsun (aləmi zülmətə) bürüməkdə olan gecəyə;

وَالنَّهَارِ اِذَا تَجَلّٰي ۝٢ۙ

2And olsun işıqlanmaqda olan gündüzə;

وَمَا خَلَقَ الذَّكَرَ وَالْاُنْثٰٓي ۝٣ۙ

3And olsun kişini və qadını (erkəyi və dişini) yaradana ki,

اِنَّ سَعْيَكُمْ لَشَتّٰي ۝٤ؕ

4Sizin zəhmətiniz (ey insanlar!) cürbəcürdür! (Bə’ziniz Cənnət üçün, bə’ziniz isə Cəhənnəm üçün çalışırsınız).

فَاَمَّا مَنْ اَعْطٰي وَاتَّقٰي ۝٥ۙ

5Kim (malını Allah yolunda) versə, (Allahdan) qorxsa,

وَصَدَّقَ بِالْحُسْنٰي ۝٦ۙ

6Və ən gözəl sözü (la ilahə illallah kəlməsini) təsdiq etsə,

فَسَنُيَسِّرُهٗ لِلْيُسْرٰي ۝٧ؕ

7Biz ona ən asan olanı (Cənnəti) müyəssər edəcəyik!

وَاَمَّا مَنْۢ بَخِلَ وَاسْتَغْنٰي ۝٨ۙ

8Amma kim (malını Allah yolunda xərcləməyə) xəsislik etsə, (mal-dövlətinə güvənib Allaha) möhtac olmadığını sansa,

وَكَذَّبَ بِالْحُسْنٰي ۝٩ۙ

9Və ən gözəl sözü (la ilahə illallah kəlməsini) yalan saysa,

فَسَنُيَسِّرُهٗ لِلْعُسْرٰي ۝١٠ؕ

10Biz ona ən çətin olanı (Cəhənnəmi) müyəssər edəcəyik (onu Cəhənnəm üçün hazırlayacağıq!)

وَمَا يُغْنِيْ عَنْهُ مَالُهٗٓ اِذَا تَرَدّٰي ۝١١ؕ

11(O, Cəhənnəmə) düşəcəyi zaman mal-dövləti ona heç bir fayda verməz.

اِنَّ عَلَيْنَا لَلْهُدٰي ۝١٢ؗۖ

12Bizim öhdəmizə düşən yalnız doğru yolu göstərməkdir! (Mö’min və ya kafir olmaq isə hər kəsin öz işidir).

وَاِنَّ لَنَا لَلْاٰخِرَةَ وَالْاُوْلٰي ۝١٣

13Axirət də Bizim, dünya da Bizimdir!

فَاَنْذَرْتُكُمْ نَارًا تَلَظّٰي ۝١٤ۚ

14(Ey insanlar!) Mən sizi alovlanan bir atəşlə qorxutdum.

لَا يَصْلٰىهَا͏ٓ اِلَّا الْاَشْقَي ۝١٥ۙ

15Ora ancaq azğın (kafir) daxil olar.

الَّذِيْ كَذَّبَ وَتَوَلّٰي ۝١٦ؕ

16O kimsə ki, (haqqı) yalan sayar, (imandan) üz döndərər!

وَسَيُجَنَّبُهَا الْاَتْقَي ۝١٧ۙ

17Allahdan qorxub pis əməllərdən çəkinən isə ondan uzaqlaşdırılar (nicat tapar).

الَّذِيْ يُو͏ٔ͏ْتِيْ مَالَهٗ يَتَزَكّٰي ۝١٨ۚ

18O kimsə ki, malını (Allah yolunda) verib (günahlardan) təmizlənər,

وَمَا لِاَحَدٍ عِنْدَهٗ مِنْ نِّعْمَةٍ تُجْزٰٓي ۝١٩ۙ

19O şəxsin boynunda heç kəsin bir minnəti (ne’məti) yoxdur ki, onun əvəzi verilsin (etdiyi yaxşılıq ona əvəz olsun; və ya: o, etdiyi yaxşılıq müqabilində heç kəsdən bir mükafat gözləməz).

اِلَّا ابْتِغَا࢜ءَ وَجْهِ رَبِّهِ الْاَعْلٰي ۝٢٠ۚ

20O ancaq ən uca olan Rəbbinin rizasını qazanmaq üçün belə edər.

وَلَسَوْفَ يَرْضٰي ۝٢١ࣖ

21And olsun ki, o (öz Rəbbindən Cənnətdə ona verəcəyi ne’mətlərə görə) razı olacaqdır!