سُورَةُ البَلَدِ
Surə Al-Balad
The City · Məkkə · 20 Ayə
لَا͏ٓ اُقْسِمُ بِهٰذَا الْبَلَدِ ١ۙ
1And içirəm bu şəhərə (Məkkəyə) -
وَاَنْتَ حِلٌّۢ بِهٰذَا الْبَلَدِ ٢ۙ
2Sənin yaşadığın (sənə halal olan) şəhərə;
وَوَالِدٍ وَّمَا وَلَدَ ٣ۙ
3And içirəm ataya və onun övladına (Adəmə və onun nəslinə, yaxud İbrahimə və oğlu İsmailə) ki,
لَقَدْ خَلَقْنَا الْاِنْسَانَ فِيْ كَبَدٍ ٤ؕ
4Biz insanı məşəqqətdə yaratdıq! (İnsan doğulduğu gündən qəbir evinə gedənə qədər əzab-əziyyət içində çalışıb çabalayır, həyat boyu müxtəlif çətinliklərlə üzləşər. Bu, ilahı bir hikmətdir, həyatın qanunudur!)
اَيَحْسَبُ اَنْ لَّنْ يَّقْدِرَ عَلَيْهِ اَحَدٌ ٥ۘ
5Məgər insan (Vəlid bin əl-Müğirə) heç kəsin ona gücü çatmayacağını zənn edir?
يَقُوْلُ اَهْلَكْتُ مَالًا لُّبَدًا ٦ؕ
6Və: Mən (Peyğəmbərlə düşmənçilik yolunda) xeyli mal-dövlət sərf etmişəm!” – deyir?
اَيَحْسَبُ اَنْ لَّمْ يَرَهٗٓ اَحَدٌ ٧ؕ
7Məgər o heç kəsin onu görmədiyini güman edir?!
اَلَمْ نَجْعَلْ لَّهٗ عَيْنَيْنِ ٨ۙ
8Məgər Biz ona iki göz vermədikmi?!
وَلِسَانًا وَّشَفَتَيْنِ ٩ۙ
9Eləcə də bir dil və qoşa dodaq (vermədikmi)?!
وَهَدَيْنٰهُ النَّجْدَيْنِ ١٠ۚ
10Biz ona iki yol (xeyir və şər, küfr və iman yollarını) göstərmədikmi?!
فَلَا اقْتَحَمَ الْعَقَبَةَ ١١ؗۖ
11Lakin o, əqəbəni (maneəni) keçə bilmədi (özünə verilən bu qədər ne’mətlərə şükür etmədi).
وَمَا͏ٓ اَدْرٰىكَ مَا الْعَقَبَةُ ١٢ؕ
12(Ya Peyğəmbər!) Sən nə bilirsən (haradan bilirsən) ki, əqəbə nədir?!
فَكُّ رَقَبَةٍ ١٣ۙ
13(O) bir kölə azad etməkdir;
اَوْ اِطْعٰمٌ فِيْ يَوْمٍ ذِيْ مَسْغَبَةٍ ١٤ۙ
14Yaxud aclıq günü (zamanı) yemək verməkdir -
يَّتِيْمًا ذَا مَقْرَبَةٍ ١٥ۙ
15Qohumluq əlaqəsi çatan bir yetimə.
اَوْ مِسْكِيْنًا ذَا مَتْرَبَةٍ ١٦ؕ
16Və ya (taqətsizlikdən) torpağa sərilmiş bir miskinə!
ثُمَّ كَانَ مِنَ الَّذِيْنَ اٰمَنُوْا وَتَوَاصَوْا بِالصَّبْرِ وَتَوَاصَوْا بِالْمَرْحَمَةِ ١٧ؕ
17Sonra da iman gətirən və bir-birinə səbr tövsiyə edən, mərhəmət tövsiyə edən kimsələrdən olmaqdır!
اُولٰ࢜ىِٕكَ اَصْحٰبُ الْمَيْمَنَةِ ١٨ؕ
18Onlar sağ tərəf sahibləridir! (Əməl dəftərləri sağ əllərinə verilənlərdir!)
وَالَّذِيْنَ كَفَرُوْا بِاٰيٰتِنَا هُمْ اَصْحٰبُ الْمَشْـَٔمَةِ ١٩ؕ
19Ayələrimzi inkar edənlər isə sol tərəf sahibləridir! (Əməl dəftərləri sol əllərinə verilənlərdir!)
عَلَيْهِمْ نَارٌ مُّو͏ٔ͏ْصَدَةٌ ٢٠ࣖ
20Onları hər tərəfi qapalı Cəhənnəm gözləyir! (Kafirlər Cəhənnəmdə həmişəlik qalar, oradan heç yerə çıxa bilməzlər!)