Surə Al-Mursalaat

وَالْمُرْسَلٰتِ عُرْفًا ۝١ۙ

1And olsun bir-birinin ardınca göndərilənlərə (mələklərə, peyğəmbərlərə, yaxud küləklərə);

فَالْعٰصِفٰتِ عَصْفًا ۝٢ۙ

2And olsun şiddətlə əsənlərə (və ya yel kimi tez gedənlərə);

وَّالنّٰشِرٰتِ نَشْرًا ۝٣ۙ

3And olsun (Allahın ayələrini, kitablarını və əmrlərini) yayanlara;

فَالْفٰرِقٰتِ فَرْقًا ۝٤ۙ

4And olsun (haqla batili) ayıranlara;

فَالْمُلْقِيٰتِ ذِكْرًا ۝٥ۙ

5And olsun vəhyi (peyğəmbərlərə) çatdıranlara-

عُذْرًا اَوْ نُذْرًا ۝٦ۙ

6(Mö’minlər tövbə edib) üzr diləmək və ya (kafirləri) qorxutmaq üçün (olan vəhyi çatdıranlara) ki,

اِنَّمَا تُوْعَدُوْنَ لَوَاقِعٌ ۝٧ؕ

7Sizə və’d edilən (qiyamət) mütləq vaqe olacaqdır!

فَاِذَا النُّجُوْمُ طُمِسَتْ ۝٨ۙ

8Ulduzlar sönəcəyi;

وَاِذَا السَّمَا࢜ءُ فُرِجَتْ ۝٩ۙ

9Göy yarılacağı;

وَاِذَا الْجِبَالُ نُسِفَتْ ۝١٠ۙ

10Dağlar parça-parça olub dağılacağı (toz kimi havada uçacağı);

وَاِذَا الرُّسُلُ اُقِّتَتْ ۝١١ؕ

11Peyğəmbərlərə (öz ümmətlərinə şahidlik etmək üçün bir qədər) möhlət veriləcəyi zaman,

لِاَيِّ يَوْمٍ اُجِّلَتْ ۝١٢ؕ

12(Belə soruşulacaqdır:) “(Bunlara) hansı günə qədər möhlət verilmişdir?”

لِيَوْمِ الْفَصْلِ ۝١٣ۚ

13(Həmin suala cavab olaraq deyiləcəkdir:) “(Haqla batili) ayırd ediləcəyi günə qədər!”

وَمَا͏ٓ اَدْرٰىكَ مَا يَوْمُ الْفَصْلِ ۝١٤ؕ

14Nə bilirsən (haradan bilirsən) ki, nədir o ayırd etmə günü?!

وَيْلٌ يَّوْمَىِٕذٍ لِّلْمُكَذِّبِيْنَ ۝١٥

15O gün vay halına (qiyaməti) yalan sayanların!

اَلَمْ نُهْلِكِ الْاَوَّلِيْنَ ۝١٦ؕ

16Məgər Biz əvvəlkiləri (keçmiş kafir ümmətləri) məhv etmədikmi?!

ثُمَّ نُتْبِعُهُمُ الْاٰخِرِيْنَ ۝١٧

17Sonra axırda gələnləri (Məkkə müşriklərini) də onlara qatacağıq.

كَذٰلِكَ نَفْعَلُ بِالْمُجْرِمِيْنَ ۝١٨

18Biz günahkarlarla belə rəftar edirik.

وَيْلٌ يَّوْمَىِٕذٍ لِّلْمُكَذِّبِيْنَ ۝١٩

19O gün vay halına (qiyaməti) yalan sayanların!

اَلَمْ نَخْلُقْكُّمْ مِّنْ مَّا࢜ءٍ مَّهِيْنٍ ۝٢٠ۙ

20Məgər sizi bir qətrə zəif (dəyərsiz) sudan (nütfədən) yaratmadıqmı?!

فَجَعَلْنٰهُ فِيْ قَرَارٍ مَّكِيْنٍ ۝٢١ۙ

21Biz onu möhkəm bir yerdə (ana bətnində) saxladıq,

اِلٰي قَدَرٍ مَّعْلُوْمٍ ۝٢٢ۙ

22Müəyyən bir vaxta qədər.

فَقَدَرْنَاࣗۖ فَنِعْمَ الْقٰدِرُوْنَ ۝٢٣

23Biz (nütfədən insan yaratmağa) qadir olduq. Nə gözəl qadir olanlarıq Biz!

وَيْلٌ يَّوْمَىِٕذٍ لِّلْمُكَذِّبِيْنَ ۝٢٤

24O gün vay halına (qiyaməti) yalan sayanların!

اَلَمْ نَجْعَلِ الْاَرْضَ كِفَاتًا ۝٢٥ۙ

25Məgər Biz yeri məskən etmədikmi

اَحْيَا࢜ءً وَّاَمْوَاتًا ۝٢٦ۙ

26Həm dirilərə, həm də ölülərə?! (Yerin altında ölülər yatar, üstündə dirilər gəzib-dolanar).

وَّجَعَلْنَا فِيْهَا رَوَاسِيَ شٰمِخٰتٍ وَّاَسْقَيْنٰكُمْ مَّا࢜ءً فُرَاتًا ۝٢٧ؕ

27Biz orada möhkəm durmuş uca dağlar yaratdıq və sizə şirin su içirtdik.

وَيْلٌ يَّوْمَىِٕذٍ لِّلْمُكَذِّبِيْنَ ۝٢٨

28O gün vay halına (bu ne’mətləri) yalan sayanların!

اِنْطَلِقُوْٓا اِلٰي مَا كُنْتُمْ بِهٖ تُكَذِّبُوْنَ ۝٢٩ۚ

29(O gün kafirlərə belə deyiləcəkdir:) “Girin (dünyada) yalan hesab etdiyiniz (cəhənnəm əzabının) içinə!

اِنْطَلِقُوْٓا اِلٰي ظِلٍّ ذِيْ ثَلٰثِ شُعَبٍ ۝٣٠ۙ

30Girin (cəhənnəm tüstüsünün) üç qola ayrılmış kölgəsinə!”

لَّا ظَلِيْلٍ وَّلَا يُغْنِيْ مِنَ اللَّهَبِ ۝٣١ؕ

31O (sizə) nə kölgəlik olar, nə də (sizi) alovdan qoruyar.

اِنَّهَا تَرْمِيْ بِشَرَرٍ كَالْقَصْرِ ۝٣٢ۚ

32O (hər biri) bir saray boyda qığılcımlar saçar.

كَاَنَّهٗ جِمٰلَتٌ صُفْرٌ ۝٣٣ؕ

33O (qığılcımlar), sanki sarı dəvə sürükləridir.

وَيْلٌ يَّوْمَىِٕذٍ لِّلْمُكَذِّبِيْنَ ۝٣٤

34O gün vay halına (qiyaməti) yalan sayanların!

هٰذَا يَوْمُ لَا يَنْطِقُوْنَ ۝٣٥ۙ

35Bu elə bir gündür ki, (qiyaməti yalan sayanlar) danışa bilməzlər.

وَلَا يُو͏ٔ͏ْذَنُ لَهُمْ فَيَعْتَذِرُوْنَ ۝٣٦

36Onlara üzr istəməyə izin də verilməz.

وَيْلٌ يَّوْمَىِٕذٍ لِّلْمُكَذِّبِيْنَ ۝٣٧

37O gün vay halına (qiyaməti) yalan sayanların!

هٰذَا يَوْمُ الْفَصْلِۚ جَمَعْنٰكُمْ وَالْاَوَّلِيْنَ ۝٣٨

38Bu sizi də, (sizdən) əvvəlkiləri də bir yerə topladığımız (haqla batili) ayırd etmə günüdür!

فَاِنْ كَانَ لَكُمْ كَيْدٌ فَكِيْدُوْنِ ۝٣٩

39(Dünyada etdiyiniz kimi, bu günün əzabından qurtarmaq üçün) bir hiyləniz varsa, Mənə qarşı qurun görək!

وَيْلٌ يَّوْمَىِٕذٍ لِّلْمُكَذِّبِيْنَ ۝٤٠ࣖ

40O gün vay halına (qiyaməti) yalan sayanların!

اِنَّ الْمُتَّقِيْنَ فِيْ ظِلٰلٍ وَّعُيُوْنٍ ۝٤١ۙ

41Həqiqətən, (o gün) müttəqilər kölgəliklərdə və çeşmələr başında,

وَّفَوَاكِهَ مِمَّا يَشْتَهُوْنَ ۝٤٢ؕ

42İstədikləri meyvə içində olacaqlar!

كُلُوْا وَاشْرَبُوْا هَنِيْ࢜ـًٔاۢ بِمَا كُنْتُمْ تَعْمَلُوْنَ ۝٤٣

43(Onlara belə deyiləcəkdir:) “(Dünyada) etdiyiniz (yaxşı) əməllərə görə nuşcanlıqla yeyin-için!

اِنَّا كَذٰلِكَ نَجْزِي الْمُحْسِنِيْنَ ۝٤٤

44Biz yaxşı əməl sahiblərini belə mükafatlandırırıq!”

وَيْلٌ يَّوْمَىِٕذٍ لِّلْمُكَذِّبِيْنَ ۝٤٥

45O gün vay halına (qiyaməti) yalan sayanların!

كُلُوْا وَتَمَتَّعُوْا قَلِيْلًا اِنَّكُمْ مُّجْرِمُوْنَ ۝٤٦

46(Siz ey kafirlər!) Yeyin və (dünyada) bir az kef çəkin. Həqiqətən, siz günahkarlarsınız! (Axirətdə qismətiniz Cəhənnəmdir!)

وَيْلٌ يَّوْمَىِٕذٍ لِّلْمُكَذِّبِيْنَ ۝٤٧

47O gün vay halına (qiyaməti) yalan sayanların!

وَاِذَا قِيْلَ لَهُمُ ارْكَعُوْا لَا يَرْكَعُوْنَ ۝٤٨

48Onlara: “Namaz qılın!” – deyildiyi zaman namaz qılmazlar!

وَيْلٌ يَّوْمَىِٕذٍ لِّلْمُكَذِّبِيْنَ ۝٤٩

49O gün vay halına (qiyaməti) yalan sayanların!

فَبِاَيِّ حَدِيْثٍۭ بَعْدَهٗ يُو͏ٔ͏ْمِنُوْنَ ۝٥٠ࣖ

50(Bu kafirlər) ona da (Qur’ana da) inanmayandan sonra daha hansı kəlama inanacaqlar?!